於是Book定檯, 今晚一家人去食餐好既! 一向知道澳門逸園中心面積不大, 步入呢間餐廳, 反而沒有太大壓迫感。
客人更可以近距離看到待應處理磯燒既過程, 完全不會擔心貝殼類係燒既過程中爆開而傷到食客。
呢間餐廳提供大量既名酒, 但爸爸今晚要駕車關係, 所以冇order。
餐廳先送上前菜, 以沙甸魚同埋多春魚混合成醬, 味道較濃, 就咁食就好鹹, 幾款爽脆蔬菜點黎食, 中和味道又岩岩好
【燒鱈魚干】
鱈魚干薄脆, 脆卜卜, 甜甜的, 帶點鱈魚香
【燒自家製免治蟹肉雞棒】
蟹肉同雞肉打成免治肉, 很鮮甜, 入面有雞軟骨碎粒, 口感層次豐富。
【黑松露蟹子玉子燒】
玉子表面燒得金黃, 一切開, 中心位塞滿大量蟹子, 黑松露雖然不是分佈平均, 只有少量係底部, 但黑松露味算是突出, 不過入面既蟹子令整體味道偏鹹
呢度出名食海鮮, 於是我地就order左一個海鮮拼盤, 餐廳先將海鮮上檯比我地影相同介紹, 龍蝦同埋鮑魚新鮮得仲郁下郁下ga!!!
【特撰盛合】包括有龍蝦、蟹、帶子X2、鮑魚X2、赤蝦X2、大蜆X2
待應講解每款海鮮都可以自選不同煮法, 令每位客人除左可以食到海鮮本身既鮮味, 仲都可以食到自己最想食到既烹調味道。
燒龍蝦頭
餐廳將味噌佈上面層再慢慢燒, 入面有少少龍蝦肉, 味噌味道重而不會過鹹, 用以夾餅干一齊食, 中和濃度, 整體味道甘甘地而有鹹。
龍蝦刺身 份量很足, 龍蝦肉爽口鮮甜, 不用點醬汁都已經夠哂鮮味
清酒活帆立貝濱 大大粒帆立貝, 係燒既過程中餐廳不斷灑上酒, 所以帆立貝係燒既過程中水份都冇流失, 帆立貝不乾身之餘還帶微微香醇酒味。
牛油活帆立貝濱 呢款煮法比起清酒煮既味道重一點, 帶鹹而不會過鹹
磯煮鮑魚 凍食, 爽口彈牙, 很清甜
飽魚濱燒 燒過不會太乾, 同樣是爽口彈牙
赤蝦刺身 要食出真正既新鮮同原汁原味,當然要揀刺身食法, 赤蝦很肥美, 鮮甜爽口, 不帶點點腥味
文蛤蜆濱燒 蜆很大隻, 可惜有d腥~
野菜鍋
爸爸想食埋個野菜鍋, 於是就另加左$100, 有個小小既鍋物, 食材包括有盛合中既蟹夾、豆腐、金菇、東菇同少量蔬菜。蟹肉一絲絲刮出, 不會是水汪汪既死蟹。整體湯底很清甜, 不錯既一個健康鍋物。
最後我仲order左個蕃薯雪糕食, 很重既蕃薯味, 甜甜地, 就算唔太中意食甜野既朋友, 都可以一試!
————————————————
餐廳名稱：磯野水產
Address: 銅鑼灣軒尼詩道525號澳門逸園中心19樓
Tel.: 27663678, 51114347 (Whatsapp)
營業時間：
星期一至日: 18:00-01:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================
沒有留言:
張貼留言