原來餐廳還有四人以上同行優惠, 只要預早book位, 餐廳額外送出龍蝦刺身同埋浜燒海鮮併盤。
龍蝦刺身被切成條狀, 口感很爽, 再加上了蟹籽, 令口感更加豐富。
浜燒海鮮併盤: 包括有一次性免費甲羅燒、鮑魚、大蜆、大蝦同埋扇貝 (如要追加需額外收費)
而且更可升級免費任食生蠔....
鮑魚上檯時生猛得仲郁下郁下ga!!燒完之後入口帶點煙韌, 而且幾鮮味。
甲羅燒甘甜味濃, 蟹膏味很重。
刺身亦很新鮮, 均為厚切~款式亦不少, 入座後餐廳會先安排刺身船, 除左凍蟹之外, 其他都可以無限追加
除左日式刺身, 仲有多款壽司同埋軍艦, 當中我比較喜歡火灸三文魚壽司, 魚油很豐富
冷盤小食同埋炸物亦有供應, 係燒肉期間, 多款可即食款式絕對可以令我地不停地食食食~
所有order自行以ipad落order, 上檯速度快之餘, 仲冇漏單tim~
飲品方面自助形式取, 以罐裝汽水為主, 更有提供啤酒。
至於肉類方面, 醃得很入味, 豬、牛、雞, 不同既醃製味道, 總有一款岩心水! 當中牛既款式佔比較多,
推介一定要試試牛舌同埋韓式肩押梅花。
牛舌為薄切, 稍為燒一陣, 邊位燒至金黃的極為香口
而韓式肩押梅花不但有平均既牛脂, 牛味亦很重
單骨雞翼岩哂我地D懶人方便食用, 真的是大人小朋友都很喜歡
無限ORDER既海鮮中, 海蝦都算幾鮮甜, 十隻中, 只有一隻是死蝦, 蝦肉不太爽口札實。
沙律丸一咬之下爆漿
食得太多肉, 就ORDER幾款蔬菜平衡一下, order左牛油栗米、東菇、金菇、瓜類等等...
東菇大大隻, 而且很厚實, 不易因燒後變得過份乾身
就連菠蘿都很清甜, 肉汁豐富
餐廳還送上剛才我地食既龍蝦刺身既龍蝦頭煲成粥送上, 入口軟棉, 仲有淡淡既蝦膏味, 清甜得連小朋友都多飲幾碗
最後, 餐廳送上我們每人一杯MOVENPICK雪糕, 為呢餐dinner劃上完美句號。
三百多元可以食到咁多款式食物, 的確很抵, 而且距離銅鑼灣地鐵站很近, 交通亦很方便。係一個晚飯聚會好地方!
————————————————
餐廳名稱：尚鮮日式燒肉漁市場
Address: 銅鑼灣謝斐道496號金利文廣場3樓
Tel.: 21174267, 21174268
營業時間：
星期一至日: 12:00-00:00
設加一服務費
接受預先訂座: Yes
====================
價錢
星期一至四: 成人HK$278;小童/長者HK$178
星期五、六、日、公眾假期/前夕: 成人HK$298;小童/長者HK$178
*小童身高90-120cm為小童收費
====================
Find me on
Facebook/Openrice/UBlog: Keresawong.L.S
====================
沒有留言:
張貼留言