青衣【甜品莊】水準甜品

🚩餐廳名稱：甜品莊    
📍Address: 青衣楓樹窩路1號翠怡商場地下G32號舖 
營業時間：
星期一至日:13:00-23:00
不設加一服務費

真係唔係個個屋苑附近都有糖水舖ga!!而青衣有間糖水店, 甜品師傅係前酒店大廚, 而且價錢亦唔貴, 味道更加唔錯!!

------------------------------------------------------------------------
【法式焗香草燴梨】HK$52

送到黎聞到好香, 因為之前未食過燴梨, 以為會係有D焦糖燉蛋FEEL, 點知一插隻匙羹入去, 咦~! 係水狀!! 就好似有D汁浸住D梨咁, 個汁加埋D梨個味好夾, 唔會太甜, 配埋雲呢拿雪糕食真係一流~ 燴梨既份量絕對唔少~!

【朱古力心太軟伴雪糕】HK$42

心太軟外皮鬆軟, 一切開朱古力慢慢咁流出, 香濃朱古力唔會太甜, 食完熱既,再食埋隔離既雪糕! 雪糕仲有幾種味道揀tim...正!

【梳乎厘(薑汁)】HK$52

呢個甜品好香薑味~但食完好似無食過野落肚咁, 絕對係一個唔占胃既甜品, 但要食梳乎里真係要趁岩岩出爐快D食, 唔係就會塌左落去唔靚嫁!

【火焰雪山】HK$42

焗蛋白既形狀似座山, 入面有一球雲呢拿雪糕, 蛋白外層淋上少少酒, 再用火係表面燒, 送上我地面前, 火依然慢慢地燒緊, 侍應再將練奶淋上面令火熄滅.
第一啖食落口有微微既酒味同燒焦既香味, 但因為沾到練奶, 所以食落都唔會苦, 蛋白食落既口感好似泡泡, 而且蛋白好滑~ 暖暖既蛋白包住入面既雪糕, 整體味道都係甜甜地, 唔會太溜...