中環【金木犀】Omakase海鮮丼 一次過呈現

自從英國旅行返港後, 報復式在港不停橫掃日本料理, 今晚舊同事相約, 到了中環樓上日料餐廳「金木犀」。

餐廳設長型吧檯, 內設有幾張TABLE SEATS。

今晚我地各人都order咗一個【Omakase海鮮丼套餐】HK$438/位

相對坊間嘅Omakase逐件刺身壽司上, 呢個Omakase海鮮丼係一次過將刺身堆疊成一碗丼飯, 驚喜呈現眼前, 完全滿足冇咩耐性又想食好野嘅朋友。

套餐由柚子鮮蝦沙律打頭陣, 清新開胃；

茶碗蒸滑嫩細緻, 入口即化, 配上熱暖味噌湯, 鹹鮮美味。

主角海鮮丼鋪滿足足 15 款刺身, 賣相陣容豐富。

油甘魚、油鯛質感爽潤, 野生拖羅油脂甘香, 赤身、醋鯖魚風味突出；北寄貝彈牙，秋刀魚、右口魚、深海池魚、銀鱈魚各有特色, 自家醃製蝦粒同沙甸亦見心思。最令人印象深刻係 creamy 濃厚海膽, 加上鮮甜爆汁三文魚籽，鹹甜交織。飯底札實易飽肚。

最後送上味噌湯做結尾。

Kinmokusei 金木犀

中環威靈頓街33號The Loop 17 樓

.

KERESAWONG.L.S'S PLATFORM:

Instagram: https://www.instagram.com/keresawong.l.s/

Facebook: https://www.facebook.com/keresawong/

Threads: https://www.threads.com/@keresawong.l.s

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

XHS: https://www.xiaohongshu.com/user/profile/5b230759e8ac2b524de93a5e

銅鑼灣【瑩雪】折扣更提高了性價比

從同事口中得知銅鑼灣「螢雪」推出全日全單75 折優惠, 正值今日放假就同媽咪去嘆返個LUNCH。

每個LUNCH-set包含前菜沙律、茶碗蒸、自選主食、味噌湯同雪糕甜品。

我就揀咗其中一款主食--- 11貫壽司, 坐於吧檯, 師傅即席一件一件手握壽司送上, 體驗相當不錯。

首先, 前菜沙律同埋蜆肉凍小食, 沙律菜調味稍嫌過酸, 令我相當開胃。

隨即一件一件壽司從師傅手中手推送上。

鱸魚加上了青柚子皮: 為淡味魚, 青柚子皮碎帶出了微微清香魚鮮味。

真鯛配烏魚子: 同樣是淡味魚, 帶些少筋胳。

魷魚伴海膽: 雙重creamy口感, 海膽散發濃郁海水味, 甘香鮮味。

伊佐目: 魚質軟嫩

粒貝響螺: 爽脆有鮮味肉汁

秋刀魚: 魚質嫩中帶爽，甘香有肉汁

馬糞海膽: 極之creamy, 鮮甜味十足, 食完個口仲殘留著海膽鮮甜回甘。

赤身配芥末子: 魚質軟嫩, 濃郁芥末子豐富了整體味道同口感層次。

炭燒大拖羅: 入口即食到炭燒香, 魚油豐富, 清香鮮味。

炭燒灸鱸魚配上山葵: 入口既有炭燒香, 又有山葵嘅甘味, 魚質好爽, 味道同口感都有層次

吞拿魚魚骨肉: 魚蓉creamy, 魚質很嫩, 配上芝麻, 多一點清香。

茶碗蒸: 熱辣辣送上, 蒸蛋滑得入口即化, 有淡淡蛋甜, 加入了蟹肉, 提鮮。

味噌湯: 濃郁鮮味, 有一隻蜆同海帶

最後送上甜品椰子雪糕, 有粒粒椰子碎粒, 椰子味突出。 

食Omakase有折扣下, 性價比更加亮眼, 值得一試。

瑩雪

銅鑼灣渣甸街66號亨環7樓

.

KERESAWONG.L.S'S PLATFORM:

Instagram: https://www.instagram.com/keresawong.l.s/

Facebook: https://www.facebook.com/keresawong/

Threads: https://www.threads.com/@keresawong.l.s

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

XHS: https://www.xiaohongshu.com/user/profile/5b230759e8ac2b524de93a5e

銅鑼灣【銀米雲野】米線以外又一選擇

同朋友係Times square睇完戲覓食, 經過見到新開咗呢間「銀米雲野」就入去試試。

餐廳環境裝修富有中國雲南風, 座位舒服, 而且冷氣都幾夠凍, 食辣野/火鍋都唔會食到成身汗。

主打雲南米線, 但我地揀咗呢個主食係火鍋跟飯嘅套餐, 同樣好豐富, 而且兩個人SHARE都夠哂飽。

【一口雲南】HK$398 (二人餐)

包含了三款小食、鍋物、甜品同兩杯野飲。

蜜漬樹番茄:

多汁黃番茄仔開邊, 淋上了大量桂花蜜, 味道更加香甜。

香烤牛肉串:

牛肉幾有肉香, 唔會過於乾身, 沾上辣粉/泰式酸辣汁食, 幾惹味。

檸檬糖雞翼:

雞翼炸得外層酥脆不油, 內裡肉質嫩滑, 搭配青檸片自行加上, 清新解膩。

雲南特色菜-雲南牛肝菌燜飯:

每粒飯粒充滿濃郁醬香味, 有少量牛肝菌, 菌味香濃; 另配有一個湯, 不過偏油膩。

油涮佐料牛肉:

鍋物中整齊併搭了多款配料, 包括有大量莞茜、蒜蓉、洋蔥絲、辣椒粒、紅椒粒、花椒、韭菜等…然後店員開火倒入一碗油, 再將牛肉拌入蛋液平均撈起, 自行煮至喜歡嘅熟度, 牛肉口感更顯滑嫩極致, 而且滲出油鍋嘅配料香氣。

甜品 - 手工酸奶 (兩份):

酸奶很挺身, 富有奶香, 伴有甜酸梅醬自行加入, 面層再加咗脆脆, 增添口感層次。

飲品(兩杯) - (+$8 可轉越南滴漏咖啡/薄荷酸角汁)

+$8 升級: 薄荷酸角汁

小竹籮內有透明膠袋盛載薄荷酸角汁賣相復古又別緻,

酸角汁加上大量薄荷碎葉充滿清涼草原氣色, 酸角果酸味濃郁, 好強青檸味, 同時帶有薄荷清新感, 酸甜勁解渴, 消暑一流!

另外一杯order咗奶茶, 

茶味香濃, 非常提神!

銀米雲野 

銅鑼灣勿地臣街1號時代廣場11樓1104號舖

.

KERESAWONG.L.S'S PLATFORM:

Instagram: https://www.instagram.com/keresawong.l.s/

Facebook: https://www.facebook.com/keresawong/

Threads: https://www.threads.com/@keresawong.l.s

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

XHS: https://www.xiaohongshu.com/user/profile/5b230759e8ac2b524de93a5e

香港國際機場機場【竜】機場新開高質日式一人鍋

去咗機場接機, 順道係接機大堂搵咗間餐廳醫肚, 發現呢間新開、係門口望入去, 環境光鮮, 主打日式一人鍋, 吧檯每個位上都設有一人鍋, 而旁邊亦有table seat, 吧檯正中位置為食物準備區, 整潔衛生, 每落order先即機切肉。

除了一人鍋, 更有少量小食、刺身丼飯、甜品供應。

至於一人鍋, 就有多款不同部位嘅牛、豚肉、雞同埋海鮮選擇, 而每個SET都配有前菜和風蕃茄沙律、一人火鍋精選蔬菜拼盤、自選白飯/稻庭烏冬/素麵

【熊本縣天沢4% A5和王牛西冷】HK$288

揀咗全menu最貴嘅set, 湯底預設了關東壽喜燒湯, 湯底鹹甜岩岩好, 唔會太重口味; 

熊本縣天沢 A5 4% 和王牛西冷: 肉質軟嫩且帶溫和味道, 不會過於膩又有重牛味, 配上一隻日本蘭王蛋蛋汁沾點, 口感更滑。

+$108追加: 安格斯牛小排 (150g)

初時覺得貴咗d, 只有三片, 但食過之後覺得物有所值~

牛小排粉嫩, 脂肪分佈平均, 熟後比起牛西冷更加軟嫩, 超推介!!

+$10追加: 豚肉餃子3件

皮薄, 豚肉餡料肉香美味。

【海鮮盛合套餐】HK$178

同樣自選了關東壽喜燒湯, 海鮮盛合分別有四款海鮮, 雖不是活海鮮, 但質素都係唔錯! 虎蝦確實爽口彈牙, 有鮮甜味; 蠔很飽滿, 冇腥味; 另外仲有魷魚同帶子。

【特選牛舌套餐】HK$138

自選了豆乳雞白湯, 店員提示較為需時滾起, 而且易痴底, 而且要不時留意搞拌。奶白色湯底順滑, 豆味濃郁。至於牛舌亦是另一驚喜, 質地好滑唔韌。

竜

香港國際機場機場一號客運大樓(非禁區)5樓5T053號舖

.

KERESAWONG.L.S'S PLATFORM:

Instagram: https://www.instagram.com/keresawong.l.s/

Facebook: https://www.facebook.com/keresawong/

Threads: https://www.threads.com/@keresawong.l.s

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

XHS: https://www.xiaohongshu.com/user/profile/5b230759e8ac2b524de93a5e