奧海城【鮨樂】值得回頭的連鎖日料

每次同好姊妹相約dinner, 都離不開日本料理, 今晚就選擇了奧海城呢間連鎖日料 「鮨樂」, 之前係其他分店食過, 質素唔錯, 而且刺身、壽司款式選擇多, 所以成為我心目中其中一間值得encore嘅餐廳。

餐廳環境開揚闊落, 檯與檯之間都有一定距離, 坐得舒服。

【十貫豐州壽司御膳】HK$198

定食配有蒸蛋、湯、沙律, 蒸蛋非常香滑, 入口即化, 入面仲有清甜蟹肉同埋蝦肉。

壽司分別有赤身、池魚、油甘魚、墨魚、鯛魚、赤蝦、鮨樂玉子、太極卷, 每件壽司size都好精緻, 剛好一啖一件, 口感軟嫩有鮮香, 其中赤蝦仲好爽甜, 正!

【香煎鵝肝配溫泉蛋】HK$138 (定食配有湯、沙律)

鵝肝表面煎得微焦, 很有油脂香, 伴有充滿蛋汁嘅溫泉蛋, 撈埋一齊食, 令飯多一點濕滑。

【吉列蝦飯卷】HK$55

壽司飯包住了紫菜、吉列炸蝦, 整件入口仲食到吉列皮嘅香脆同埋蝦嘅爽口, 很有層次。

【三文魚壽司盛盒】HK$108

集合各款三文魚嘅組合壽司, 火炙過嘅三文魚帶點焦香同埋滲出些少魚油, 口感更為柔嫩有魚香; 另有三文魚壽司同埋卷物, 呢個盛盒絕對滿足三文魚腔嘅我。

上面兩款定食跟甜品, 為雲呢拿雪糕。

鮨樂

大角咀海泓道1號奧海城3期地下G23號舖

.

其他平台:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

She.com: https://blog.she.com/keresawong/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong

銅鑼灣【昭和食堂】超越時空嘆日本料理

放工到銅鑼灣跟舊同事gathering, 選址近鵝頸橋橋底其中一間幾有特色嘅居酒屋。

餐廳以日本昭和時期做主題, 從外至內都充斥著懷舊日本風味, 店內牆上佈置、木系座位等....令人感覺有如置身日本昭和時代, 可算是一間超靚嘅打卡餐廳。

呢度主打刺身、壽司燒物、串燒同埋各種日式地道小食, 仲有自家調製嘅酒精飲品, 非常適合約埋三五知己嚟chill下。

【昭和特上盛盒】HK$398

集齊五款是日精選刺身, 每款刺身都好新鮮, 魚類刺身更是厚切, 滿足口感; 赤蝦肥美, 爽口鮮甜; 魷魚配海膽, 令鮮味更提升; 拖羅魚油超豐富。

【流心蛋薯仔沙律】HK$68

薯仔打成有質感嘅薯蓉, 混入了爽口蝦粒, 食之前篤穿頂層嘅炸丸, 流出蛋汁, mix埋一齊食, 多一點黏滑。

【日本海膽壽司】HK$128

軍艦壽司上疊上滿滿海膽, 整件入口, 冷冷的海膽近乎入口即溶, 甘香鮮甜。 

【半生熟牛肉】HK$108

牛肉色澤嫩紅新鮮, 只有圍邊位被火灸至熟, 每件牛肉肉質嫩, 冇筋連帶, 夾埋墊底嘅生洋蔥食, 沾有酸汁, 美味開胃。 

【蟹膏甲羅燒】HK$128

蟹膏質感幼滑, 濃郁甘甜, 配有薄脆伴吃。

【辣吞拿魚】HK$68

餐廳自家製薄脆寶盒, 賣相精美, 夾住綿密富有魚香嘅吞拿魚蓉, 外脆內軟, 口感同味道同樣一流!

【鰹魚湯煮蘿蔔】HK$45

鰹魚湯汁味道清甜, 蘿蔔口感好林好入味, 盡吸湯汁, 更顯清甜。

【牛肋骨】HK$158

牛肋骨燒至8成左右熟, 帶些少牛脂, keep到些少肉汁, 口感不會太柴。

【白鱔】HK$68

表面平均沾上薄薄鹹甜鰻魚汁, 鱔皮微脆, 鱔肉爽彈, 大愛! 

【雞掌心】HK$45

口感有如雞軟骨般爽脆, 灑上了七味粉, 很香口。

【煙肉蠔】HK$60

煙肉雖燒得有點乾身有咬口, 但被包裹住嘅蠔依然juicy, 蠔味濃郁。

【朝鮮醬雞翼】HK$30

雞翼表面燒得微微焦香, 內裡肉質嫩滑, 再掃上了薄薄一層鹹甜醬汁, 唔會太重口味。  

【自家製菊花酒】HK$90

餐廳自家調製, 極易入口, 菊花味重, 很清新, 細味才有點點酒味。

昭和食堂

灣仔謝斐道391-407號新時代中心地下A號舖

.

其他平台:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

She.com: https://blog.she.com/keresawong/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong

將軍澳【方叔叔重慶老火鍋】人少都可以食到豐富火鍋!

「方叔叔」火鍋配料份量有半份咁order, 最為適合兩個人人少少想食多d款。將軍澳分店設於港鐵站A出口對面, 行過馬路就到, 交通極為方便。

餐廳環境舒適, 冷氣都幾足, 全程打邊爐都唔會感覺焗促。

入座即送上雪耳紅棗糖水潤下喉。

每張檯均有醬料供自由混醬 (醬油費 HK$20/位)

雖然呢度主打重慶麻辣湯底, 不過為迎合港人口味, 亦增設了數款唔辣嘅養生湯底。

今次揀咗【豬肚雞鴛鴦鍋底 併蕃茄湯底】HK$88

豬肚雞湯底胡椒辣味幾出, 微辣惹味, 有唔少爽口豬肚同埋雞件; 至於蕃茄湯底濃郁香甜, 仲有些少蕃茄片同埋金菇。

今晚我地order嘅火鍋配料都係半份咁叫, 食到好多款唔同嘅配料。部份配料仲標有建議滾煮時間, 夠哂貼心!

【美國桶蠔】HK$98

桶蠔超級肥美, size都幾大隻, 熟後都唔會太縮水, 蠔味濃郁, 口感爽甜, 每次黎我都定必order! 

【海蟶】HK$45

蟶子仔冇沙, 非常鮮甜爽口。

【珊蝴蚌】HK$68

放入湯底30秒即起, 果然口感超爽。

【鱔片】HK$58

鱔片皮爽, 鱔肉本身獨有魚鮮味, 值得order! 

【龍躉片】HK$78

龍躉片厚肉, 建議煮3分鐘, 但魚質稍為柴咗d, 同埋已被去掉爽口龍躉皮。

【黑豚腩肉】HK$48

腩肉肥瘦相間, 帶些少咬口感, 肉質算不上嫩滑, 亦不會太柴。

【潮汕手打牛筋丸】HK$28

牛筋丸爽口彈牙, keep到香甜肉汁, 推介!

【韭菜豬肉水餃】HK$38

餃皮都幾薄, 韭菜豬肉餡料平均, 既有肉香, 又有韭菜清香。

【豬腰片】HK$49

薄切, 清洗得乾淨冇異味, 口感好滑, 但不至於爽。

【鴨血】HK$48

口感彈滑, 配唔辣嘅湯底同樣不錯。

【手打魚籽蝦滑】HK$58

口感微彈, 有淡淡蝦嘅鮮甜味, 混入了魚籽, 增加口感層次。

【粟米】HK$28

份量比預期細份, 不過香甜多汁。

【鮮腐竹】HK$28

好滑, 有淡淡豆香。

【皇帝菜】HK$28

放入湯底盡吸湯底精華, 同時食到皇帝菜本身嘅清香清甜。

最後仲點咗甜品【糍粑】HK$68 (全份)

炸到金黃鬆脆, 中層軟糯, 內有流心甜甜地嘅黑糖醬, 配有黃豆粉, 整體唔會太甜, 推介!

方叔叔重慶老火鍋 (PopCorn 2) (將軍澳)

將軍澳唐俊街9號PopCorn 2地下G49號舖

.

其他平台:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

She.com: https://blog.she.com/keresawong/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong

鴨脷洲【蟹點】回味香氣撲鼻的白胡椒蟹

早排同同事食過海怡半島站嘅「蟹點」後, 一直回味呢度嘅胡椒蟹, 趁今日媽咪生日, 同佢去完海洋公園就順道去「蟹點」食埋dinner。

估唔到平日晚餐廳都幾旺, 坐滿8成座位, 非常熱鬧。除了室內, 仲有少量戶外座位。

食物款式選擇多, 分別有中菜、泰菜, 只係揀野食都要花點時間。

【招牌白胡椒蟹】HK$628

大大隻肉蟹放於鐵板上熱辣辣滋滋聲上檯, 侍應即席加入白胡椒茨汁, 散發著濃郁白胡椒香氣。蟹膏味道甘香, 蟹爪被拖過油, 鎖住了肉汁, 蟹肉鮮味十足, 配上白胡椒汁, 辣辣地好惹味, 蟹鉗仲好大隻好厚肉, 值得一試。

【豉汁蒸白鱔】HK$148

鱔肉彈牙爽身, 豉汁令整體味道更提鮮。

【炸乳鴿】HK$68/隻

炸乳鴿外皮雖算不上香脆, 但不會過於油, 而且很入味, keep到肉汁, 唔需要額外再調味, 都很不錯。

.

蟹點

鴨脷洲鴨脷洲橋道322號西邨街市1樓

.

其他平台:

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

She.com: https://blog.she.com/keresawong/

小紅書: https://www.xiaohongshu.com/user/profile/5b230759e8ac2b524de93a5e

ESDlife: http://wow.esdlife.com/keresawong

Weibo: http://weibo.com/keresawong