網上無意中發現一間以十蚊起串燒做招來, 主打串燒嘅餐廳, 原本不抱期望地諗住有個地方食下野傾下計, 吃後卻充滿了驚喜, 異口同聲一定會再黎幫襯。
餐廳整齊排列嘅TABLE座位, 搭配暖黃燈光, 感覺舒適。
串燒款式選擇多, 數款只需十蚊嘅串燒, 質素亦唔差。而且侍應們雖然年輕, 但服務有禮, 確實難得!
【鹽燒西班牙五花腩】HK$10
五花腩薄燒有油香, 唔會太硬太乾。
【惹味雞腳筋】HK$10
雞腳筋表面香口微脆, 口感偏硬爽脆, 正!
【泰式燒墨魚鬚】HK$10
墨魚鬚爽脆非常, 配有泰式酸辣汁, 酸辣開胃又美味, 大愛!!!
【香燒翠玉瓜】HK$10
燒翠玉瓜入口食到本身清甜多汁, 表面加咗少少孜然粉, 幾惹味。
【港式蜜糖燒菠蘿】HK$10
燒菠蘿厚切, 表面有薄薄一層蜜糖, 入口清甜多汁。
【港式蜜糖牛油粟米】HK$10
粟米表面燒得微燶香口, 清甜多汁。
【鹽燒豚肉荔枝卷】HK$15
豚肉片包住了香甜荔枝肉, 多汁荔枝平衡到豚肉嘅膩。
【椒鹽雞軟骨】HK$20
雞軟骨燒得金黃, 香脆可口, 加咗少少椒鹽, 勁正!! 推介!!
【免治雞肉棒(配月見汁)】HK$20
雞肉棒表面金黃, keep到鮮味肉汁, 沾蛋汁食, 多一點黏滑, 而且包含了碎軟骨碎, 口感有層次。
【鹽燒牛舌芯】HK$28
牛舌芯帶微焦, 加咗少少黑椒調味, 口感爽彈又惹味。
【山椒鰻魚汁燒白鱔】HK$48
白鱔厚切, 皮微脆, 表面掃上鹹甜鰻魚汁, 提升了鱔肉獨有鮮味。
【焦糖菠蘿鵝肝醬多士】HK$58
多士烘得包邊脆口, 層上了以焦糖菠蘿醬做點駁嘅鵝肝醬, 上層入口creamy, 鹹鮮美味。
【椒鹽九肚魚】HK$68
九肚魚炸皮酥脆不油, 魚質嫩滑, 表面灑了少少椒鹽, 自行沾上泰式酸辣汁, 酸辣開胃。
【墨魚滑+紫菜+大蝦】HK$68
紫菜包住了墨魚滑, 再卷住了大蝦, 切成一片片, 入口爽口有層次, 點千島醬食, 不錯。
【港式燒蜜糖多士夾雪糕】HK$48
蜜糖多士烘得焦香鬆脆, 夾住雲呢拿雪糕, 多士微甜, 一啖咬落去, 外脆內軟, 雪糕入口即溶凍冰冰, 超正!!
【0卡糖百香果菠蘿茶】HK$28
百香果菠蘿茶果香味突出, 一啜吸到百香果籽同埋菠蘿碎果肉, 既又層次又充滿濃郁果香, 茶味偏淡。
人生有限杯串燒店
銅鑼灣霎東街33號智選假日酒店3樓
