📍Address: 旺角西洋菜街1號兆萬中心11樓
營業時間：
星期一至日: 17:00-00:00
設加一服務費
兆萬中心新開左一間韓國料理, 當然要搶先去潮聖一下, 果然冇令我失望!
卡位更有USB充電, 好細心既餐廳...
------------------------------------------------------------------------
【棉花糖作料炸雞】HK$168
發現呢度有款炸雞好特別!!有充滿童年回憶+小朋友最愛既軟棉棉棉花糖係炸雞上, 然後侍應會用火槍將上面既棉花糖熱溶...棉花糖完全溶化於炸雞上.炸雞本身都有酸甜汁, 雖然有醬汁包住炸雞, 但驚喜既係炸皮依然KEEP得好脆! 而熱溶既棉花糖
熔左去炸雞表面, 只係食到炸雞表面既少少甜, 整體味道酸甜均一, 唔錯唔錯!!
【芝士排骨】HK$198
極極極極終極邪惡之芝士排骨, 芝士係鐵板上睇住芝士慢慢熱熔, 侍應會幫忙將芝士厚厚地包住每一件排骨送上每一位食客, 每一啖都會食到啖啖芝士再到入面少少辣既排骨, 排骨非常入味而且好林~
【手抓飯】HK$88
整碗手抓飯會先送上, 侍應會係我地面前戴上手套, 將碗內既配菜同飯攪伴, 再將飯搓成幾個小球~ 我地可以一口一啖咁食, 因為係珍珠米關係, 食落比較黏口, 有紫菜香味, 而且當中既蟹子亦增加左口感.
【韓式蛋卷】HK$128
蛋卷好滑, 當中夾集左蟹子, 所以食落好有層次~
【芒果菠蘿特飲】HK$98
清新解渴, 芒果菠蘿既味道好平均, 少少甜...
沒有留言:
張貼留言