Address: 旺角彌敦道639號雅蘭中心2樓203及205號舖
營業時間：
星期一至日: 11:30-23:00
設加一服務費
茶芥: HK$7/位
前菜小食: HK$15/碟
======================
每次經過雅蘭中心都被廣告中既8色小籠包所吸引, 平日晚食客都坐滿九成, 什得大眾歡迎, 今晚終於有機會一試!
除左有各式小籠包味道選擇外, 就連小食、湯麵、飯類、小炒、甜品等, 款式都非常多, 總有幾款岩食!
【特色皇朝小籠包(8色)】HK$98
8色小籠包係樂天皇朝既招牌菜, 黎到又點可以唔試下呢?! 8色小籠包色彩已經夠哂吸引, 唔同既色代表唔同既味道, 包括原味、人參、鵝肝、黑松露、芝士、蟹粉、蒜香、麻辣, 每款味道都各有特色, 細看menu上更有建議既食用次序。我今次就食左黑松露、蟹粉、麻辣小籠包…而我比較中意黑松露呢個中西合壁既小籠包, 入口有好濃既黑松露味, 仲食到細細粒既菇菌。小籠包皮略帶煙韌, 夾起都唔會好易穿, 不過小籠包入面湯汁唔算多, 但肉汁還很鮮味~ 如果8色中, 唔係隻隻色都岩食, 亦可自選每隻色ORDER 6個咁散叫...
【刀切小饅頭】HK$18@3
呢款小饅頭有蒸炸兩款揀, 我就揀左細個時最中意食既炸饅頭, 雖然製作好似好簡單, 但要炸得脆而不油並不容易, 炸饅頭炸得表面金黃香脆, 入裡還很軟棉, 點少少煉奶食, 正!
【李白醉雞】HK$78
色澤非常鮮嫩, 雞皮沒有肥油連住, 雞皮較薄, 雞骨佔較小比例, 肉質嫩滑入味, 淡淡既酒味, 卻沒有苦澀味~
【酸辣海鮮湯拉麵】HK$62
拉麵份量幾乎係二人份量, 好大碗, 酸辣湯比較杰, 酸辣味均一, 拉麵為幼身, 很快可以索到湯汁而入味, 不過海鮮就比較少, 只有幾隻細蝦...
【高麗豆沙】HK$42
入口軟棉, 表面沾到糖粉亦唔覺太甜, 入面有少許豆沙同一小片香蕉, 整體味道為小甜而且。
沒有留言:
張貼留言