紅磡【小城年代】豐富抵食二人餐

餐廳名稱：小城年代    
Tel.: 2790 6328     
Address: 紅磡黃埔新天地奇妙坊G6B號舖  
營業時間:
星期一至日: 08:00-22:00                 
設加一服務費
===========================

黃埔新開地鐵站, 交通的確方便左好多。今日又去黃埔走走, 順便食個dinner, 經過呢間餐廳門外張貼左個"二人餐", 前菜可以揀兩款, 而主菜仲可以揀4款咁多!! 所以就吸引左我地入去一試~

店內環境整潔, 樓面亦有5-6個店員招待, 服務周到~ Menu上主要為西餐美食, 二人餐比較抵食, 款式選擇多, 可以一次過食多幾款。

【美國鐵桶薯條配黑松露蛋黃醬】

粗直薯條即叫即炸, 不過唔算好脆, 但亦唔會好油, 咬落去熱辣辣...點少少黑松露蛋黃醬, 味道唔錯~

【西班牙橄欖油辣味蒜片蝦】

很驚喜既前菜, 已去殼既開邊蝦, 味道辣辣地, 很惹味開胃, 夾蒜片一齊食, 極之香口, 而且隻蝦很爽口, 正!!

【是日餐湯-蘑菇湯】

很豐富既蘑菇碎粒, 飲落口感豐富

食完前菜, 飲完餐湯, 終於到主菜出場!! 原來揀左4款主菜, 每兩款併成一碟, 每款份量為單點既半份~

【芝士焗北海道帶子】

原隻大大粒帶子, 有好多既芝士, 而且仲可以拉絲, 帶子為7成熟, 表面燒得很香, 芝士味唔算好重, 依然食到帶子本身既鮮味。而且帶子底部仲有唔少汁醬, 食落更加Juicy

【扒法國走地春雞(半隻)】

春雞皮較為香脆, 食到原汁原味既春雞, 算幾多肉, 肉質比預期更嫩

【露絲瑪利香煎紐西蘭羊扒】

一向食羊我都會order 5成熟, 切開有些少血水出就perfect! 呢度既羊扒原來係羊架, 帶一條長骨, 不過就幾多肉食, 而且呢半份已經有兩件, 雖然係半熟帶血水, 但完全唔羶, 唔錯!!

【烤澳洲鮮草飼肉眼扒(5oz)】

厚切肉眼扒, order左5成熟, 切開明顯有血水出, 食到原汁原味既牛味, 肉質較實, 帶點趙口。

至於餐飲方面都係Standard coffee or tea, 凍飲就另加HK$4

我就揀左茉莉綠茶, 淡淡既茉莉香, 唔算好甜, 幾清新....