影評【鬼妻勿語】推薦給初看驚慄片的入門觀眾

香港上映日期: 6/12/2019

100mins /泰語 (中英文字幕) /驚慄

圖片來源: wmoov.com

個人超喜歡睇驚慄片, 愈驚愈好睇!

港產驚慄片近年真係買少見少, 外購佔比數多, 但本年度要搵套吸引d既驚慄片真係有難度,

最近被泰國驚慄片【鬼妻勿語】既宣傳海報所吸引, 睇埋預告, 似乎可以止止心中既驚慄渴求。

【鬼妻勿語】開頭講述一對中學情侶係校園結識以至拍拖, 女主角懷孕, 因男主角屋企人反對下, 強行要求男主角轉校, 遷離女主角, 但男主角一直未知女主角懷孕, 女主角被母親勸導及陪同下非法墜胎, 意外地女主角因而逝世變成冤鬼, 鬼魂死守家園。 驚慄場面主要於大廈走廊、升降機等日常環境出現。觀眾容易投入, 可惜驚慄場面不多, 反之男主角事隔一年回去找回女主角, 愛情片情節就開始, 令驚慄程度漸漸轉淡, 男主角一開始未知女主角已過身, 抱住自己親生骨肉, 一家人如常生活, 埸面溫馨。但有居民為想得到安寧, 特意遠方請了一位大師前去做法事。法師獨自上其女鬼宿舍, 女鬼爭札, 整個畫面正意為係套戲既高峄, 怎料男主角殺出中止了法事, 情節突然從驚慄轉換成感動位, 先揭發男主角其實早兩天同樣已離逝, 男女主角抱住嬰孩, 求大師成全, 並承諾只要讓他們生活在一起, 以後不會再滋擾居民, 最後大師決定將其單位封印, 將驚慄片以愛情情節作結尾。

這套【鬼妻勿語】適合初看驚慄片的入門觀眾, 膽大的不好期望有大驚嚇。嫌開頭交代故事背景過於長篇, 墜胎轉成厲鬼雖不是新鮮驚慄標題, 但以日常環境編出驚嚇氣氛, 亦是不錯的佈排。

************************************************
合作/邀請：keresa820@hotmail.com
************************************************