近排唔少朋友係網上平台放毒, 大讚安平燒肉超正! 半信半疑下今日終於有機會一試, 果然冇令我失望。
所謂嘅台式燒肉, 款式其實跟其他燒肉放題嘅大致相同, 只是熟食方面再多一些台灣小吃。
套餐價錢分為四種, 有心前黎當然揀最貴果set, 可一次過食齊不同款式, 咁先滿足!
餐廳內設大部分卡位, 坐得舒服, 掛著小型天燈, 岩哂打卡~
飲品、醬料、蔬菜、丸類設自助區, 其餘主要scan QR code落單,
食埋黎得好快好足。
至於檯面都放左幾款調味料供選擇。
入座每位送牛舌芯兩件, 呢款只供一次性, 不設任食
條狀牛舌芯爽口不韌
任食方面, 肉類款式包括有豬、牛、雞, 合共約有30款之多, 而我地主要點牛多,
尤其呢個餐主打嘅, 所有肉類都很新鮮, 色澤嫩紅, 款款吸引,
澳州M5和牛: 中間有一塊明顯嘅油脂, 質地細嫩
三角牛肩肉: 油脂較少, 纖維較有韌性
極黑牛肩押: 肉質比較堅實
安格斯牛小排: 油脂分布均勻, 質地林, 肉味濃郁
再次encore澳州M5和牛、牛小排, 同樣供應相同質素
牛腹肉: 肉質甘香軟嫩而不韌
網燒其中必食一定係牛舌:
鹽燒牛舌: 原汁原味, 烤至金黃, 很香口
黑椒洋蔥牛舌: 多加配料一齊食, 更加香口惹味
醃製類亦很出色, 醃得入味又夠林
其中推介必食牛仔骨, 醃得入味甜甜的, 充滿肉香
雞腎 爽口,醃得入味
海鮮同樣選擇多, 而且都係任食!!
帆立貝、加了些少醬油調味嘅魷魚
最驚喜就係放題質素竟有虎蝦任食, 大大隻超肥美, 鮮味彈牙
另有點一些台灣特色嘅燒物同小食:
起司鵪鶉蛋: 唔知幾時先叫熟, 燒過龍, 比較乾, 只食到濃郁蛋香味
台灣小枕頭(麻糬): 燒幾秒後, 會脹起, 形狀似枕頭, 點練奶食, 唔錯
鹵水涼拌鴨舌: 同樣入味, 亦唔會過鹹, keep到少少水份唔會太乾身
花枝排: 即炸, 外皮香脆不油, 鮮甜彈牙, 仲有花枝粒, 有層次。
120分鐘任食, 30分鐘前有店員提示last order, 兼送上雪糕order紙,
每位可獲一杯Haagen-Dazs雪糕。
選擇多、質素有水準, 定必推介比朋友, 日後一定會再黎!
.
安平燒肉
旺角彌敦道593-601號創興廣場9樓
星期一至日: 12:00 - 16:00; 17:00 - 22:00
平台參考:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
小紅書: https://www.xiaohongshu.com/user/profile/5b230759e8ac2b524de93a5e
BeautyExchange: http://www.beautyexchange.com.hk/blog/keresawong.l.s
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言