對於勁中意食蟹嘅我, 每次經過"蟹慶"都很想去食返餐, 今日丫妹出bonus, 順便為搵緊工嘅我打打氣, 豪請我去食餐蟹宴!
落到地庫, 環境充滿日本居酒屋感覺,
其中有一座Sake清酒機, $198/位任飲, 不過我地唔飲酒, 唔關我地事~
今晚揀左呢款套餐[特選會席套餐] HK$2,576 (二人前)
單睇menu都覺得豐富又吸引!
先送上前菜頭盤,
鴨胸沙律: 沙律菜、煙燻鴨胸、蟹籽, 再加左醋, 酸味味, 好開胃。另外有一螢光魷魚, 一咬食到甘甜甘香嘅膏。
香煎鵝肝多士: 鵝肝表面帶微脆, 內裡為半溶狀態, 跟脆卜卜多士一齊食, 充滿油香得黎又可減少油膩感。
刺身: 赤蝦鮮甜爽口, 赤貝爽脆, 油甘魚甘香清甜, 吞拿魚帶淡淡魚香
黑魚子海膽蟹肉蒸蛋: 熱辣辣蒸蛋超滑, 入口即化, 有清甜蛋香味, 同時食到面層鮮甜蟹肉+海膽
毛蟹: 已被預先解剖, 方便食用, 能拆出梳梳蟹肉, 鮮甜。蟹蓋上嘅蟹膏極為甘香鮮甜, 勁正! 食成隻蟹, 都唔洗額外點醋, 都食到原汁原味蟹嘅鮮甜。
鹿兒島A5和牛: 小型熱辣辣鐵板送上, 除左鐵板上嘅和牛, 另外仲有碟和牛比我地慢慢燒, 牛脂甘香, 口感豐滿, 食完之後口中仲殘留陣陣甘香
浜燒鱈場蟹腳: 被浜燒過, 拆開蟹腳, 依然很有肉汁, 鮮甜中亦帶微微焦香
松葉蟹肉蟹膏炒飯: 炒得粒粒分明, 有穫氣, 但食過之前多款蟹物, 呢個飯味道相對淡左d
飲埋熱辣辣味噌湯後,
最後送上芝士蛋糕,
比較乾身, 但芝士味很重, 唔會太甜
食完呢餐蟹宴, 我倆表示很滿足, 間中對自己好D, 都要豪一豪, 慰勞下自己。
.
蟹慶
銅鑼灣軒尼詩道525號澳門逸園中心地庫
星期一至日: 12:00 - 16:00; 17:00 - 22:00
.
平台參考:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
BeautyExchange: http://www.beautyexchange.com.hk/blog/keresawong.l.s
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言