北角【究極堂】招牌究極丼 超滿足!

前排同同事到過呢間究極堂食過lunch, 見質素唔錯, book定檯今晚帶媽咪黎食返餐。

餐廳內昏暗燈光同木系傢俱, 再加上天花掛了好幾個日式燈籠, 感覺很有居酒屋氛圍。

食物款式多, 除了多款刺身、壽司、特色卷物、小食、pizza等, 仲有是日推介menu, 仲有呢張drinks menus可自選酒精/梳打, 無論大人定小朋友都飲得。

蜜糖芥辣章魚丸:

即叫即整, 外微脆內軟。可惜章魚粒細細粒、偏腍, 面層沙律醬份量頗多。

薯蓉廣島蠔: 

店員主動講明同餐牌圖有出入, 而家標準係 4 隻廣島蠔, 若蠔仔細細隻就會調整到 5 隻。上檯熱辣滾燙, 底層鋪滿綿密薯蓉；廣島蠔體積偏細, 不過焗完仍然保住鮮味同肉汁, 唔會焗到乾柴。

明太子芝士玉子燒: 

玉子燒蛋汁飽滿, 入面藏住芝士, 熱辣辣食可以拉到芝士絲；面頭鋪足明太子,鹹甜帶少少辣, 好惹味。

究極丼: 

驚喜感十足, 刺身份量澎湃, 鋪滿成個丼飯, 打卡一流！入面有兩件厚切三文魚、兩隻肥美虎蝦、海膽、炙燒左口魚、口感綿密嘅吞拿魚腩蓉、鮮甜帆立貝、甘香厚切油甘魚, 再加不少三文魚籽。厚切刺身魚香突出, 咬落好滿足, 成碗真係大滿足!

Order咗兩款壽司, 兩件壽司造型精緻。

三文魚腩壽司魚油香豐厚；帆立貝壽司鮮甜肥美。

四重芝士炸蝦卷: 

內有脆口天婦羅炸蝦, 加上表層火灸芝士, 口感有層次, 芝士香濃, 配搭很match。

雜果梳打: 

份量好大杯, 帶清新果香, 梳打氣感適中, 幾解膩。

抹茶牛奶: 

揀咗加紅豆, 抹茶味濃厚；面頭鋪滿忌廉同抹茶朱古力條, 賣相吸引、用料好足。

究極堂

北角蜆殼街9-23號秀明中心地下D號舖

KERESAWONG.L.S'S PLATFORM:

Instagram: https://www.instagram.com/keresawong.l.s/

Facebook: https://www.facebook.com/keresawong/

Threads: https://www.threads.com/@keresawong.l.s

Blogspot: https://keresawongls.blogspot.hk/

Ublog: https://blog.ulifestyle.com.hk/keresawong

XHS: https://www.xiaohongshu.com/user/profile/5b230759e8ac2b524de93a5e