朋友請客, Book咗尖沙咀呢間叫「遖」嘆Omakase Lunch,
Lunch分別有兩個價錢選擇, 我地揀咗HK$880 / 位嘅set,
全場均為吧檯, 可以近距離欣賞師傅處理刺身、壽司過程。
呢個套餐包含了五款前菜小食、九貫壽司、手卷、茶碗蒸、味噌湯同甜品。
🍱 前菜小食
鱈魚片：香脆，帶少少自然甜，點埋沙律醬一齊食，好惹味。
- 蟹肉茶碗蒸：滑得入口即化，入面滲住蟹肉嘅鮮甜，好溫潤。
- 海膽豆腐：將紫蘇花一起食, 帶住淡淡花香，配埋海膽本身嘅甘甜，成件好清新，鮮味唔會搶。
- 冰富縣蠔配柚子啫喱：蠔處理得好乾淨，冇腥味，蠔味清爽，柚子啫喱帶出陣陣清香，酸尾尾, 好開胃。
- 鰤魚：魚肉質地好嫩滑，夾埋蔥絲一齊食，蔥香同魚香一齊散出，香氣好突出。
- 北海道象拔蚌｜櫻花淡雪鹽：爽口彈牙, 唔會硬同韌，灑上櫻花味淡雪鹽再加柚子汁提鮮，味道好清新。
🍣 九貫壽司
- 鰆子鯛：魚質超級綿滑，慢慢嚼會透出魚本身淡淡嘅鹹鮮。
- 赤貝：紫蘇花點驟令賣相好靚，口感爽口，咬落仲有肉汁滲出，鮮味足。
- 石烏賊：質地creamy，軟滑唔嚡。
- 池魚仔：師傅調味偏少少鹹，襯托出魚本身嘅鮮味。
- 吞拿魚下巴：炸得香口，外皮帶魚油香，肉香好濃。
- 醬油漬吞拿魚：魚肉綿滑軟嫩，預先醬油漬過，鹹香入肉，好夠味。
- 中拖：油脂比前面嘅重少少，同樣綿滑，油香溫和。
- 拖羅：魚油極之豐富，完全冇筋，油香好出。
- 甘蝦：蝦身爽甜回甘，口感 creamy；面層嘅蝦膏經過火灸，暖笠笠，甘香更加突出。
- 海膽：一入口已經感受到海膽嘅澎湃鮮味，回甘好強，入口即化，食完之後，成個口腔仲留住好濃郁嘅海膽香。
🫔 手卷
吞拿魚蓉手卷：紫菜脆卜卜，包住綿密吞拿魚蓉，入面混咗蘿蔔碎同蔥粒，外脆內綿，魚香、蔥香、蘿蔔嘅清爽夾埋一齊，層次好豐富。
最後送上熱熱嘅味噌湯，清一淨味蕾，跟住再食雪糕做結。
遖
尖沙咀漆咸道南115號達成商業大廈7樓
沒有留言:
張貼留言