📍Address: 旺角彌敦道726號10樓
Openrice: http://www.openrice.com/zh/hongkong/r-gangnam-oppa-%E6%97%BA%E8%A7%92-%E9%9F%93%E5%9C%8B%E8%8F%9C-%E9%9F%93%E5%BC%8F%E7%82%B8%E9%9B%9E-r464762
營業時間：
星期一至日: 12:00-23:00
今晚又做韓妹, 冇得飛去韓國, 唯有係香港搵下韓國野食啦~ 今次就去左旺角樓上既一間韓國餐廳, 侍應們大多都係韓國妹韓國仔…
呢間餐廳以怪獸做主題, 店內有唔少怪獸面具做裝飾
呢個係每張檯都有既板, 落Order就可以高舉呢塊板, 侍應就好快為你服務
聽聞每晚都幾旺場 (我去果晚係平日,全場又真係坐爆哂), 如果太多人等位, 就有個半鐘限時食…. 咁多人黎幫襯, 香港果然係吹正韓國風啊!
------------------------------------------------------------------------
【芝士炒辣雞三色板】HK$248
第一次食呢個三色板, menu上有講解每種野食要分先後次序去食~ 係暖暖既火爐上, 可以慢慢食, keep住溫度. 首先食個卷蛋, 一層層既蛋好分明, 有蛋味而且滑…隔離再有天婦羅茄子片, 翠肉瓜片, 同薯仔片等等, 再有韓國Pizza, 口感同味道似港式既薄餐~ 食到呢度之後, 隔離既芝士應該溶得7788, 跟係侍應就走黎為我地將飯同芝士, 雞肉撈埋一齊, 芝士有點起絲, 連埋底下有少少辣辣地既韓式醬, 撈埋一齊食, 感覺漿住滿口芝士, 邪惡之選啊!!!
【原隻炸魷魚拼蜂蜜蒜香炸雞】HK$188
估唔到份量會咁大碟!!! 成碟除左有十件炸雞同原隻炸魷魚之外, 仲有大量既薯條同薯角, 包保個個食得飽!!!
“相機食完”之後, 有韓妹為我地剪開原隻炸魷魚方便我地食. 咬落去, 脆到有聲, 魷魚唔韌, 好爽~ 蒜香炸雞淋上蜂蜜, 但依然keep到外皮脆, 豐富肉汁, 同嫩滑既雞肉, 真係超正!!
**呢間韓國既飲品都係以罐裝為主, 冇特色野飲… 而且唔會提供免費水, 如果要飲水,就要比HK$5 同佢地買支細水喇~~
沒有留言:
張貼留言