📍Address: 大埔舊墟直街30號美利大廈地下13號舖
營業時間： 星期一至日: 16:00-02:00
設加一服務費
要飲啤酒, 食下炸魚, 唔一定出中環先有ge...大埔都有分店, 地方唔係好大, 但服務同食物質素都好有水準!
------------------------------------------------------------------------
【魚皮】HK$10
每張檯一坐低侍應都會比呢個前菜, 唔係免費啊! 要比HK$10, 不過價錢合理, 魚皮真係脆既~ 等野食黎果時, 可以比客人慢慢食住等...
【Nutella Banana】HK$55 (Happy Hour 時段價錢)
以Nutella 朱古力榛子醬, 香蕉, Oreo 同埋雲呢拿雪糕mix埋一齊既一杯飲品,上面有一大pat cream, 同埋少少Oreo碎, 飲落好杰, 雲呢拿雪糕同Nutella味道比香蕉味為重
【Ya! Berry】HK$55 (Happy Hour 時段價錢)
士多啤梨+益力多+雲呢拿雪糕mix埋, 似飲緊士多啤梨奶昔, 略帶微酸甜既益力多味
【Beer Battered Fish and Fries】HK$128 (Full Size)
可以自選啤酒既啤醬大西洋鱈魚 配 自選醬汁~ 再加3重手切脆薯條
我揀左麥啤醬大西洋鱈魚 配 煙辣蛋黃醬汁... 手切脆薯條比較粗大, 唔算好脆口, 但略帶少少辣味~ 而重點係炸魚, 因為本身我唔太飲酒, 所以揀左麥啤黎烹調, 酒精係烹調過程中蒸發, 留下少許麥味, 炸魚外皮既炸皮好薄且不油膩, 包住入面好嫩滑既無骨鱈魚, 帶點魚本身既甜味~
【Real Fish Fingers】HK$68
呢個炸皮似平時日式吉列炸皮, 而且炸皮連帶香草, 質感比上面果隻炸皮為硬...但內裡既魚肉同樣滑~配上蜜糖芥末醬, 味道好夾!
【Fried Chicken & Shrimp Jambalaya】HK$98
係order呢個飯時,待應提示呢個飯係比較辣, 如果唔太食得辣既朋友可以要求減少辣度. (個人好中意食辣, 所以認為辣度剛剛好)呢個飯好濕潤, 飯粒粒分明, 材料有炸雞塊,炸蝦同辣肉腸, 食落味道似肉醬意粉咁, 炸雞塊炸皮薄, 內裡雞肉比較滑, 而最正既係個炸蝦, 炸得香脆之餘, 隻蝦好爽口! 整體呢個飯份量都幾大, 好飽肚!
【Crab Cegg & Gravy】HK$78 (Half size)
呢個店員建議係要快食, 最底層有焗過既半脆麵包, 再有炸過既蟹餅, 蟹餅有少少薑蔥味, 咬落好易散開...上面有隻水煮蛋, 切開會流出蛋漿, 淋上煙肉白汁, 入口感覺到好濃既蛋黃香同埋蟹肉碎既質感...出面比較少有~
沒有留言:
張貼留言