元朗【野川拉麵】款式多, 梗有一款岩你!

🚩餐廳名稱：野川拉麵     
📍Address: 元朗裕榮徑4號地舖  
營業時間：
星期一至日: 12:00-02:00
不設加一服務費

今日同 #素食者 朋友入元朗經過見到間拉麵店, 舖頭細細, 但食物款式幾多, 拉麵, 烏冬, 串燒, 酒類等等都有...當中有多款食物岩素食者食, 所以今日我地就入去一試!
------------------------------------------------------------------------
【自家制豬軟骨讚崎手打烏冬】HK$73  + 叉燒 HK$8

呢個SET本身係有午市優惠價, 跟沙律同野飲都係HK$52...(但份量比散叫既為少), 太肚餓既關係, 我就order左個正價份量既烏冬~ 呢度既湯底有血池地獄湯底/蕃茄湯底/豬骨湯底/芝士湯底/芝士辣湯底選擇...而配料就有栗米, 京蔥, 木耳, 糖心蛋, 加$8仲可以加埋叉燒!
而我就揀左芝士辣湯底既豬軟骨讚崎手打烏冬配叉燒, 無論嗅覺同味覺都有好濃郁既芝士味, 而且算幾辣...豬軟骨同叉燒煮得好林, 又索到D湯, 非常入味又容易咬開...個烏冬質感比較煙韌~ 中意食重口味既一定要去試試呢度有芝士既湯底啊!!

【黃金焗薯皮(兩件)】HK$28

 薯皮稍為有點厚度, 而外皮焗得有點脆, 上面有層厚厚地既芝士, 雖然未做到拉絲, 但食到好香既芝士味

【泰式生蝦(8隻)】HK$49

估唔到日式餐廳都有泰式生蝦食, 生蝦同樣爽甜, 配上泰式辣醬, 味道都幾正宗!

【流心芝士蝦丸(6粒)】HK$38
所有炸物即叫即炸, 外皮炸得好脆, 咬開既時候, 入面既芝士爆開, 流心芝士汁o必哂出黎!! 入面仲有細細隻蝦, 不過就唔太爽~同埋比芝士COVER哂蝦既味道...食唔到鮮甜蝦味!
【吉列蝦(3隻)】HK$29
呢度既炸物炸完都乾身, 不過蝦唔太爽...

【雞軟骨串燒】HK$9/串

燒得好香, 好乾, 食落有好香BBQ味, 再有少少鹽吊味...食落又香又脆, 唔錯~

另有支裝日本特色飲品 (左:$26, 右:HK$21)