Address: 尖沙咀彌敦道63號iSQUARE國際廣場3樓301號舖
Tel.: 2489 8066
營業時間：
星期一至日: 11:00-23:00
設加一服務費
設訂座: Yes
=========================
竟然比我搵到尖沙咀都食到平野!! 今晚同朋友經過呢間上海菜餐廳,望過下menu,價錢唔貴,而且menu中有幾款岩哂我位素食朋友食...實行佢有佢食素,我有我食肉!
食上海菜,必定叫小籠包...而呢度既小籠包款式超過十款,而且款式特別,鹹食既有,甜食既亦有, 唔係周圍都食得到!!
【金牌小籠包】HK$38/5隻
呢個小籠包為招牌菜,所以必須order一籠試試~ 出面食到既小籠包,都係用牛油紙墊底,但呢度係用白色布代替牛油紙~ 不同之處係夾起小籠包時, 唔會黏底而令小籠包易穿,流失內裡湯汁...
小籠包皮薄, 而我最欣賞佢最頂既摺口位唔會有又實又硬既口感~ 將整個小籠包放入口,咬開時,內裡鮮甜湯汁澎湃地湧出,加上鮮嫩既豬肉, 果然是招牌菜!!
【五福小籠包】HK$38/5隻
呢款係新推出既小籠包, 紅、紫、綠、黃、黑五種顏色, 賣相五色非常吸晴, 每個小籠包入面既配料都各有不同! 入面既肉分別加上墨魚海鮮/櫻花蝦/抹茶雜菌/蟲草花/咖哩雞~ 味道各有特色, 就好似黑色既墨魚海鮮小籠包, 入面既肉係混左粒帶子係入面ga!
而且每個小籠包內裡鮮甜湯汁同樣澎湃! 係一個打破傳統,創新美味既小籠包!
【黃金大蝦】HK$98
之前係泰國餐廳食過呢款黃金蝦, 估唔到呢度都有得食~ 每隻蝦都有金黃既鹹蛋黃皮包住, 鹹蛋黃極之香濃!! 蝦身既殼稍為開左邊, 令蝦肉入味, 而且容易剝殼~ 蝦肉新鮮爽口,配上香噴噴既鹹蛋黃香,正!!
【酸辣湯麵】HK$38
酸辣湯比較杰, 麵質林度適中~ 酸辣味道均一, 而且酸辣湯配料幾多...
【豆漿】HK$12/杯
淡淡既豆味, 甜度剛剛好...
【椰林燉奶】HK$45
呢個甜品令我更加驚喜!! 燉奶係極之香滑, 入口即溶, 食完之後再刮D椰肉出黎食, 令整個晚餐畫上完美既句號~
沒有留言:
張貼留言