Address: 旺角煙廠街33號朗廷軒地下B舖
Tel.: 2886 8903
營業時間：
星期一至日: 12:00-00:30
設加一服務費
設訂座: Yes
==========================
每次經過呢間餐廳,門口都大排長龍...本身意為呢度只係食甜品, 原來呢度除左主打甜品外, 仲有全日供應既All day breakfast,意粉,飯,薄餅,羊架等等既主食~ 店內環境比較細,檯與檯之間比較窄,但美食搭夠,坐迫少少都冇所謂...
【班尼迪-配煙三文魚(自選)】HK$89
包底稍為烤焗過, 但未至於脆, 質感為半鬆軟狀態...加上菠菜, 煙三文魚(自選配菜一款), 而初時望落意為白色係cream, 點知一篤落去, 有大量既蛋黃汁湧出黎, 先知道白色既原來係蛋白, 令整個Egg Benedict充滿蛋黃香~ 伴碟既有薯條,幾脆,不過薯條份量再多少少會更好...
【奧斯咸食窩夫-配碳燒蝦(自選)】HK$89
呢款窩夫既薯條份量比上面既多, 窩夫鬆軟, 碳燒蝦較為香口,而且口感幾爽~~
【抹茶朱古力火鍋】HK$139 (供應時間:六點前/十點後)
充滿驚喜既一個甜品, 本身自己唔太中意食綠茶製品,因為唔太中意甘甘苦苦既味道...亦唔太好朱古力火鍋,因為怕太甜~ 而兩個味道MIX埋,竟然會令我愛上!!
當抹茶遇上朱古力後變成墨綠色, 味道唔太似食緊抹茶成份既甜品, 因為冇左甘苦既味道, 反而中和左朱古力既甜度...甜度掌握得剛剛好, 雖然有火興住,但抹茶朱古力醬唔會好熱, 只係暖暖地...火鍋配料有窩夫, 香蕉,士多啤梨,抹茶雪糕糯米?同埋棉花糖~ 每款都能夠配搭到呢個火鍋, 正!!
沒有留言:
張貼留言