Address: 旺角通菜街126號地下
營業時間：
星期一至日:早上 07:00-凌晨02:00
不設加一服務費
=====================
每次係旺角掃街頭, 都見到好多人幫襯呢間泰國菜館門外既串燒~
今晚同妹妹入去一試呢間既泰國菜, 店內有分上下層, 假日接近六點, 食客就開始愈黎愈多...
【泰式椰汁冰】HK$22/杯
椰汁冰甜度剛剛好, 飲到椰汁香味, 唔會過甜, 如果食辣野, 解辣同解渴岩哂!
【串燒沙爹(豬/雞)】HK$12/串
串燒燒得好香, 特別d邊位, 仲係脆脆的, 雖然肉汁唔多, 但最正既係呢度既沙爹醬, 杰杰地, 味道濃, 搶返唔少分數!
【冬蔭大頭蝦湯】HK$75
呢個湯份量都幾多, 可以裝到4-5碗飯碗份量. 大頭蝦非常大隻, 仲有大量既香料, 味道好濃, 酸辣程度均一~非常惹味!!
【泰式海南雞飯】HK$40 (套餐配餐湯)
呢個套餐都幾抵食! 海南雞份量幾多, 雞肉嫩滑~ 油飯粒粒分明, 唔會太油, 所以油香味比較淡, 而且味道稍為鹹左d~
【泰式蝦醬炒飯】HK$65
炒飯都是粒粒分明, 更有臘腸粒、青豆、肉鬆, 仲有隻全熟既煎蛋~ 食落口感幾豐富, 蝦醬味道夠香...
沒有留言:
張貼留言