Address: 將軍澳坑口重華路8號東港城場第1層181號舖
營業時間：
星期一至日: 11:00-23:00
設加一服務費
茶芥: HK$5/位
=======================
連鎖式上海菜餐廳中, 數一數二必定有"上海婆婆", 價錢唔算貴, 質素亦多年KEEP到水準...
打開menu, 基本上大多上海菜款式都應有盡有, 就算連老人家,小朋友,素食者都同樣滿足到!
【上海小籠包(4隻)】HK$36
上海菜都一定必食既小籠包, 小籠包皮好薄, 咬開時有豐富熱辣辣湯汁湧出~ 除左鮮甜肉汁外, 餡料亦都唔少, 正!
【生煎包】HK$36/3隻
生煎包賣相好飽滿, 面層有芝麻, 底層被煎得非常香脆, 入口時食到底部既香脆,同時亦食到包既軟棉口感, 包入面肉汁依然豐富~
【生煎鍋貼】HK$36/3隻
鍋貼皮比較硬身, 底部被煎得略帶點脆, 雖然內裡湯汁不比小籠包為多, 但餡料份量絕不少, 更食到鮮甜肉味!
【紅油抄手(6隻)】HK$48
抄手皮薄而滑滑的, 包住鮮嫩豬肉, 加上甜甜的而又略帶少少辣既汁醬, 幾開胃~
【花雕醉雞】HK$76
醉雞非常嫩滑, 酒味香純, 雞骨比較細少, 而且雞肉好入味...
【排骨膽膽麵】HK$60
食上海婆婆又點少得點佢地既招牌膽膽麵, 今次我就多點排骨做配搭~ 呢度既膽膽麵花生醬味道比較重, 肉碎亦唔會硬, 唔好睇佢碗麵色澤紅, 其實唔係想像中咁辣...(更可於落order時註明走辣/少辣), 另外更有香蔥同芝麻做配料, 食落味道更香~
麵質為幼身拉麵, 軟硬岩岩好, 排骨貼心地分開上, 免得令即炸脆口排骨浸林...
【清炒河蝦仁】HK$122
好驚喜既菜式, 每粒蝦都好飽滿, 色澤鮮嫩, 蝦仁超級爽口, 而且鮮甜... 唔洗沾醬汁都夠哂鮮味, 正!!
【韭菜炒鱔糊】HK$102
醬汁味道帶濃, 鱔糊炒得好林, 而且冇骨, 岩哂老人家同小朋友食
沒有留言:
張貼留言