旺角【焱手工涮涮鍋】高質火鍋的視覺、味覺享受

餐廳名稱：焱手工涮涮鍋    
Address: 旺角彌敦道558-560號譽發廣場3樓       
Tel.: 2918 1388 / 6160 3288 (whatsapp)
營業時間：
星期一至日: 11:00-02:30
設加一服務費
接受預先訂座: Yes
=========================
寒冬即將完結, 當然要趕上打多次邊爐啦!!! 係旺角行至油麻地, 發現有間新開既火鍋店, 而且火鍋別具特色! 因為平日晚, 店內人流唔算多, 可以直入唔洗等位。

位與位之間距離寬敞, 更設有一半係卡位, 而且完全沒有油煙既焗促感, 環境很舒適!! Menu上有晚市套餐, 更有散叫, 而當中既晚市套餐最為吸引, 以人頭收費HK$268加一, 有前菜沙律、海鮮、肉食、蔬菜、飲品同甜品, 款式多都係一個價錢, 所以就決定ORDER個套餐試試。

 至於醬油方面亦可以自由混醬, 不另加收費

【焱選套餐】HK$268/位

先黎一個沙律前菜開開胃 - 柚子沙律,鮑撈起手撕雞

再來一杯野飲, 套餐有包一杯野飲, 而我選擇加HK$10轉飲沙冰, 想不到原來有咁大杯!!

菠蘿沙冰

沙冰打得很幼細, 而且菠蘿味很出, 甜度剛剛好, 不會太甜。 咁大杯真係夠哂打邊爐飲~ 解渴又解辣….

至於湯底我地揀左呢度既招牌鴛鴦湯底----- 火焰清酒煮蜆螺,養生人參藥膳鍋+青花麻辣鍋
中間還會有火焰!

 火鍋很快地上檯!! 店員將蜆+螺放入爐中間位置, 再倒了些少酒, 即時點火, 那個火光紅紅令整個火鍋更為與別不同, 當入面既貝殼類熟之後, 店員就會加入清湯底, 火焰就慢慢被淋熄了。

很有霸氣感的火鍋, 香港應該很少有, 我都是第一次見識~
中間既蜆被酒精後既火焰燒過, 酒既味道幾乎都揮發了, 食落只有微微既酒味

之後火鍋配料就陸續上檯:

海鮮併盤 - 刀貝、龍躉片、鮮海蝦、脆鯇魚

所有海鮮都超鮮味爽口, 魚類更已被去骨。 海蝦好新鮮鮮甜。
初時有少許擔心人參藥膳鍋底會好大陣中藥味, 但原來冇, 入面更有大大支人蔘,  但人蔘味唔太突出....湯底味道似清雞湯

手工火鍋拼盤
- 太極蟹子海鮮軍艦
- 別蝦我 (鮮蝦雪條棒)
- 牛肝菌黑松露餃子
- 手打安格斯香辣牛丸
- 三層樓墨魚磚

意想不到的是呢D手打丸類都非常爽彈鮮甜, 最中意"別蝦我", 彈牙鮮甜外, 仲混入蟹子, 增加口感

蔬菜籃

蔬菜嫩綠, 而且款式亦有幾款

肉類: 手切頂級安格斯牛頸脊 + 日本松板黑豚肉配小黃瓜

因為我朋友早已戒牛, 所以店長更貼心為我們以人頭份量的把牛肉跟豬肉做相併
牛肉有點點厚度, 色澤鮮紅, 帶些少爽口既根, 牛味很出, 正!!

即炸響鈴卷

好大條既響鈴, 響鈴皮薄而極之脆, 一夾浸入湯底都好易碎

最後便是甜品,
木糠布丁 - 少少甜, Cream 比較多, 口感滑

這個以人頭收費既套餐, 食完已經好夠飽。除左視覺, 還有味覺都是最佳享受, 有機會一定會再黎encorn。