Address: 銅鑼灣記利佐治街2-10號銅鑼灣地帶2樓201號舖
Tel.: 2868 2277
營業時間：
星期一至日: 12:30-23:30
設加一服務費
==============================
早已聽聞旺角有間主打甜品既HeSheEat好受歡迎, 今晚同朋友係銅鑼灣地帶shopping, 發現原來呢度都有分店! 咁岩到晚飯時候, 所以我地就入去一試!
除左甜品, 呢度仲提供多款特式飲品同埋主食, 我地各一order左一杯野飲、一個主食同一個甜品share試試。
【朱古力曲奇咖啡沙冰】HK$42
好濃既咖啡味, cream既上層有少少朱古力醬, 飲既時候攪拌, 飲到香滑口感
【香蕉拖肥奶昔】HK$42
拖肥份量只係圍住杯邊位置, 所以飲落都唔會過甜, 香蕉味比奶味重好多, 質感原來都係沙冰, 同樣上層有cream, 所以都飲到好滑既口感, 整體幾好飲!
唔好意為呢度只係得甜品好食, 我地點左兩個意大利飯, 又比預期中好食喎!! 呢度既意大利飯質雖然唔係最正宗既煙韌口感, 卻又岩返香港人既口味, 意大利飯粒粒分明, 而且多汁creamy, 飯質煙韌度較低, 唔會似中國人食既”生米粒”口感~
【海鮮意大利飯】HK$140
D汁帶微微既酸, 有蕃茄碎, ?海鮮包括開邊蝦(帶點鮮甜味+略帶爽口)、帶子(表面煎香,比蝦更加鮮甜)、魷魚唔韌, 海鮮既底部仲有少少拉絲既芝士, 唔錯!!
【春雞黑松露意大利飯】HK$128
Creamy既意大利飯混入好多既黑松露, 所以每啖都食到好重既黑松露味, 正!! 春雞煎得金黃, 而帶juicy~ 春雞原隻切開半邊上, 不過就冇去骨, 整體味道的確幾好!!!
【朱古力忌廉班戟卷】HK$58
薄薄既朱古力皮包住細細粒既朱古力碎, 配上大量既士多啤梨醬同雪芭, 甜中帶點酸味味, 可以消下濟。
【拖肥果仁心太軟】HK$62
心太軟外層鬆軟, 流心十分明顯, 一切開心太軟, 杰身既朱古力就慢慢流出, 而且份量都幾多! 最後食隔離帶少少甜既焦煻雪糕, 中和口中既甜度。正!!
食完呢餐, 真係好飽好滿足!!
沒有留言:
張貼留言