尖沙咀【8鍋臭臭鍋】一人一鍋 夠哂飽

同朋友打邊爐, 但又唔想揀湯底出現意見分歧, 第一時間會諗起台式火鍋既一人一鍋。今晚我地就經過尖沙咀既8鍋臭臭鍋, 見到店內已經滿座, 而門口更有十幾人排隊等位, 羊群心理下我地跟住排隊務必要入去一試!

店內頗有台灣風味既裝修, 雖然係一人一鍋, 但店內完全沒有焗促/油煙感。

打開menu, 呢度一共有九款不同湯底同埋食材組合選擇, 價錢都係劃一HK$108, 而且更可自選配搭飯/粉絲。

我就揀左呢個鍋試試:【芝士牛奶鍋】HK$108

唔好睇佢好似好細煲, 入面其實放左大量食材, 包括娃娃菜、白豚肉、心型魚豆腐、台式貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃。
火鍋係用蠟既形式點上小小既火焰, 將火鍋稍為慢慢加熱, 所以唔會怕滾出黎。

湯底呈奶白色、而芝士係以一片的放上面, 等待慢慢溶至火鍋中。淡淡既奶味, 濃度岩岩好, 不過芝士味就唔太出。

先將生蛋攪開, 就很快出現蛋花。丸類鮮甜略帶彈牙, 最意想不到既係豚肉份量都幾多, 點上邊爐既醬汁, 令味道更加突出。

至於香菇、娃娃菜、金針菇、炸枝竹呢D容易吸味既食材, 吸左湯底既精華, 正!
當然唔少得粉絲啦, 粉絲額外上檯, 唔怕滾得太耐而變糊狀, 軟硬度可以自己控制!
不過烏冬份量就比較少, 應該只有半個。 但整個鍋其實食完都夠哂飽肚。如果唔夠, 額外可另加火鍋配料....

【牛肉片】HK$48



牛肉片色澤鮮紅, 不過脂肪佔既較多, 所以食落沒有趙口感~

【香芋奶茶】HK$28 (珍珠 - 額外加HK$5)
呢度設有多款台式飲品, 我就揀左呢杯香芋奶茶, 再加珍珠。芋香味幾出, 奶味多於茶味, 唔會太甜, 大大杯, 邊食邊飲其實都好足夠。

————————————————
餐廳名稱：8鍋臭臭鍋   
Address: 尖沙咀金巴利道77號地舖    
Tel.: 2885 7867
營業時間：
星期一至日: 12:00-00:00
設加一服務費
接受預先訂座: Yes
====================
Find me on
Facebook Page▸ www.facebook.com/keresawong/
Instagram▸ https://www.instagram.com/keresawong.l.s
Blog▸ https://keresawongls.blogspot.hk/
Blog▸ http://keresa.pixnet.net/blog
U Blog▸http://blog.ulifestyle.com.hk/blogger/keresawong/
TheZtyle▸ http://keresawongls.theztyle.com
Openrice▸ Keresawong.L.S
==================