旺角【泰屋】泰大份

想食泰國菜第一時間一定諗起九龍城, 不過要交通方便就一定係旺角; 旺角較新既一座食肆, 開左一間樓上泰國菜餐廳, 就可以要滿足呢兩個要求。

放工六點多去到, 暫未見有人流, 裝修、餐具擺位都非常整潔。

呢度食物款式多多, 除左主打泰國菜之外, 更有印度咖哩選擇。一心想食泰國菜既我, 當然揀左平時食泰國菜必點既款式試試。

【泰國椰青】HK$40

先開一個椰青解解渴, 即開椰青非常清甜, 仲可以刮埋入面既椰青肉食。

【串燒沙爹】HK$82

有豬、牛、雞串選擇,客人可以自選兩款。我就揀左牛肉同雞肉, 一碟一共有六串, 串燒keep到juicy肉汁, 相比下, 牛肉串較為出色, 肉質林而入味, 但雞肉不算嫩滑, 肉汁相對冇咁juicy~ 點上沙爹醬後, 味道再提升了一點 。

【泰式炸蝦餅 (4件)】HK$78

外表炸過亦沒半點油膩, 皮脆, 內裡既蝦餅略帶點彈牙鮮甜。

【馬拉盞海鮮炒河】HK$82

原來一碟份量都幾大份, 有豐富既食材, 例如魷魚、蝦、青口同埋各式配菜, 增添不同口感。炒河濕潤, 唔會好乾, 炒得幾有穫氣, 帶少少辣, 夠哂惹味。

【海南雞飯】HK$75

個飯可以自選白飯/油飯, 我地揀左油飯, 雖然油香味唔太突出, 但個飯粒粒分明; 海南雞色澤金黃, 但唔太嫩滑, 薑蓉味道淡, 另一款味道又太濃, 跟海南雞唔太夾。跟海南雞既餐湯又竟然係西式羅宋湯, 而且只係暖暖地。對呢個飯有點失望~

整體呢間泰國菜食物質素唔算太差 (除左雞之外, 其他都唔錯), 份量幾大碟, 服務招呼周到, 待應亦會主動為我地加水。 雖然係旺角地段, 價錢跟九龍城既差不多, 當我地用餐埋單時7點幾左右, 人流就開始愈黎愈多, 全埸爆滿, 門口位置更多人等位, 果然吸引到唔少食客幫襯。

————————————————
餐廳名稱：泰屋  
Address: 旺角彌敦道726號2樓
Tel.: 2807 3366, 9587 3366 (Whatsapp / Wechat)
營業時間：
星期一至日: 12:00-23:30
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================