尖沙咀【葡匯咪走雞葡國餐廳】出色的葡國乳豬

想食葡國菜, 第一時間諗起澳門, 不過船飛貴, 又要坐成個鐘船。 係朋友口中得知美麗華廣場新開左間唔錯既葡國餐廳, 於是今晚收工同同事前去食個dinner。

平日晚7點幾左右, 餐廳內已經坐滿8成。

入座後待應就立即送上麵包作為前菜, 麵包表面被烘得很脆, 內裡鬆軟, 仲可以搽牛油增添味道。

我地order左一個沙律開開胃, 同埋幾款葡國菜必食既share一齊食。

【啤梨番石榴沙律】HK$125

新鮮沙律菜、被切成一片片既啤梨、番石榴, 再加上沙律醋, 酸味味, 幾開胃。

【雞尾特飲】HK$90

有唔少人晚餐都會飲下紅酒同白酒, 對於我地呢d唔飲酒既人黎講, 呢度貼心地提供 Mocktail, 味道有D似利賓立, 有少少汽, 甜甜地。

【爆芝馬介休球】HK$68

外脆內軟正好形容呢款小食, 表面炸過, 帶點脆口, 入面既口感好似食緊偏林既薯仔, 甜甜地, 中間位仲有半溶既芝士流出tim...

【乳豬(1/4)】HK$280

初嘗呢度既乳豬, 我地只order左1/4試試, 食過後, 下次必定會encorn, 而且下次必定要叫個大size黎食!!

乳豬沒有厚厚既肥油層連住, 乳豬皮薄, 入口一咬, 乳豬皮脆得有聲, 超級香脆!!! 肉質嫩滑, 而且juicy, 唔洗點任何既汁醬都夠哂好食!!! 旁邊更有一個葡國飯增添飽肚感, 個飯粒粒分明, 帶些少濕潤, 仲夾集少少提子乾~

【霹靂非州燒雞】HK$68

除左雞脾位置, 隻雞已被拆骨, 一隻雞兩款味道, 一邊味道很辣, 就連我平時食得辣既都食到要飲幾杯水, 另一邊為蒜蓉香草, 大量蒜蓉令雞肉更加鮮。肉質很滑, 很入味, 兩款味道都很濃郁, 旁邊更有即炸薯條伴碟。

【葡式西多士】HK$45

葡式西多士跟中式茶餐廳西多士既不同之處就係葡式西多士炸過後, 表面平均塗上薄薄既蜜糖層同埋砂糖, 特別係邊位炸得更為香脆, 內裡仲keep到鬆軟口感, 不過士多啤梨較酸, 但葡式多士相比落糖漿既中式多士, 呢款味道冇咁甜, 第一次食已經令我愛上了!

整體黎講, 個人推介必食既一定係葡國乳豬, 真係好好好正啊!! 回味中...

————————————————
餐廳名稱：葡匯咪走雞葡國餐廳    
Address: 尖沙咀彌敦道118-130號美麗華廣場二期1樓167號舖  
Tel.: 2392 3328
營業時間：
星期一至日: 12:00-23:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================