大角咀【Orange Elephant Thai Restaurant】水準泰國菜

九龍城既泰國菜餐廳Orange Elephant原來係大角咀開左分店喇!! 而且地點更近港鐵奧運站, 交通比起九龍城總點更為方便。幾個月前食過九龍城既Orange Elephant, 印象中食物質素唔錯, 所以我就預早book定檯今晚一家人一齊食返餐泰國菜。

榜晚六點半左右, 餐廳內人流較為少, 不過大約近8點左右, 餐廳內人流明顯較多, 門口更有唔少人等位入座。

門外更貼著一張宣傳廣告, 每晚九點後, 都有7折優惠, 真係抵!!

呢間分店既menu其實跟總店的完全一樣, 我地就揀左幾款share齊齊食。

【椰汁冰】HK$26

很甜, 不過等d冰溶左, 甜度好少少, 解辣既好選擇。

【泰式香茅炸豬扒】HK$1

$1優惠係每日唔同, 而今日係星期日, 香茅炸豬扒就做緊一蚊優惠。賣相唔差, 雖然溫度上唔似即炸, 表面沒有明顯脆口, 但點上泰式酸酸辣辣既汁, 都幾惹味, 一蚊算係咁啦~

【泰式海南雞(半隻)】HK$112

每次黎Orange Elephant我必食既一定係海南雞, 而且一直都KEEP到水準。海南雞色澤金黃, 更顯新鮮。
無骨海南雞啖啖肉, 肉質嫩滑, 點上兩款醬汁, 令味道更加提升!

【雜棉串燒(半打)】HK$79

串燒有豬、牛、雞三款選擇, 燒過後依然保持到肉汁, 唔會好乾身。我就最喜歡雞肉, 很鮮嫩, 點上沙嗲醬, 味道更濃。每款串燒都很入味, 但牛就有很豐富既咬口。

【泰式豬頸肉撈金邊粉】HK$66

豬頸肉 亦係呢度必食之一, 可以散叫豬頸肉, 亦可以好似我咁Order 豬頸肉撈金邊粉。豬頸肉亦都唔少ga!!
邊位位置帶點燒焦, 食落更為香口, 口感很爽, 沒有油膩感, 將醬汁因應自己既口味加入金邊粉, 當中更有炸蒜蓉、蔥花, 再攪拌後入口甜甜的, 正!!

【椰汁青咖哩海鮮】HK$82

反而最後呢個青咖哩令我有點失望, 份量比較少, 海鮮只有兩件魷魚、兩隻青口同埋兩隻開邊蝦。蝦雖然細隻, 但很爽。
青咖哩辣辣地, 很惹味, 如果撈飯/沾麵包食, 都唔錯。 建議食物份量再豐富一些會更好。

整體黎講, 呢度既環境同食物質素跟九龍城總店好像更好一些, 人手方面係繁忙時間就有點不足, 不過算係招呼周到, 總算沒有敗壞Orange Elephant這個招牌。

————————————————
餐廳名稱：Orange Elephant Thai Restaurant    
Address: 大角咀博文街42號  
Tel.: 2812 7321
營業時間：
星期一至日: 12:00-22:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================