入餐廳就見到掛滿好多色彩繽紛既鎖仔, 形成一道牆, 感覺就像韓國首爾塔既旅遊景點。店內環境昏暗, 掛滿吊飾, 很有聖誕氣氛。
侍應先送上酸蘿蔔做前菜
再送上四款不同汁醬
韓國人很喜歡啤酒炸雞, 但唔識飲酒既我一直都未試過呢個配塔, 經店長介紹後, 推介左幾款生果米酒, 米酒濃度較為低, 岩哂唔識飲酒既朋友, 所以我地就order左黎試試....
【蘋果芒果米酒】HK$125
送上檯時, 真係嚇左一嚇, 竟然有一大個湯碗咁大既size咁多。店員先將米酒中既雪篤碎散, 再倒入飯碗中比我地飲用。
生果米酒果然很易入口, 沒有苦澀味, 初初飲只有較突出既芒果味, 同埋很淡既蘋果味, 很清新。米酒含係口中時才會飲到少少既苦, 朋友飲左三碗左右才開始有點醉意。 凍涼得黎又解渴, 炸雞配米酒絕對一流!
【串串魚糕湯】HK$185
湯底濃郁鮮甜, 鹹鹹地, 甜甜地, 除左有魚糕、更有丸類、一隻蛋、很入味既蘿蔔、少少菇菌類, 仲有一個烏冬令我地更加飽肚。所有食材都吸到湯底味道, 整體味道果然跟韓國既一樣ga!!
【香蒜蜜糖炸雞】HK$178
呢度既炸雞有半份同全份size之分, 我地order左米酒, 當然叫個full size慢慢嘆啦!
炸雞表面有薄薄既蜜糖, 炸雞非常脆, 內裡keep到juicy肉汁, 肉質嫩滑, 就連配角既薯格同埋薯條都脆得咬開時有聲。而且沾左少少蒜粉, 味道更加提升。
【東萊海鮮煎餅】HK$118
煎餅很濕潤, 有豐富既海鮮同埋香蒜蜜糖炸雞菜、青椒等等, 煎餅唔會有太多粉, 入口時豐富既食材增加了口感。整體味道較淡, 要點一點旁邊既汁吊一吊味。
最後, 記得問店員拎鎖仔啊, 掛上近門口既位置, 留一個"到此一遊"吧~
————————————————
餐廳名稱：Outdark
Address: 旺角彌敦道613號飛達商業中心2樓
Tel.: 28920877
營業時間：
星期一至日: 17:00-02:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================
沒有留言:
張貼留言