黃大仙【炑八韓烤】一個人的浪漫 - 抵食午餐套餐

放假訓到自然醒, 一起身已經十二點幾Lunch時間, 懶得煮就同妹妹落街搵野食。經過見到"炑八韓烤"原來有午餐時段, 有多款一人份量既燒肉套餐同埋韓式定食, 已經價錢亦很合理, 於是我地就入去嘆返個lunch。

Lunch-time時段, 店內都有8成食客, 大部分食客都係點午餐套餐。

侍應先送上前菜 大豆芽菜同埋泡菜

我同妹妹分別揀左一人份量既韓燒套餐同埋一人既韓式定食share, 不過套餐就唔跟任何野飲, 只要加HK$6/HK$12就可以有特色野飲, 價錢都唔太貴。但每個套餐都會跟一個海帶湯。

韓燒套餐仲可以免費無限任加爐邊蛋tim....爐邊蛋分別有原味, 更有泡菜粒既爐邊蛋。

【汁燒牛胸餐】HK$128 (配紫菜飯)

套餐包括有汁燒牛胸同埋厚切鹽烤牛舌。牛胸肉色澤鮮紅, 質素同之前食開晚市既一樣, 同埋唔係雪左好耐拎返出黎有雪氣果種。

牛胸為薄切, 中間夾集脂肪, 所以入口唔會太硬而咬唔開既感覺。

牛舌為厚切, 厚度跟牛胸成反比, 令我地食到很實在既口感。牛舌雖為厚切, 但同樣帶少少林, 同樣高質!

燒肉餐仲供應埋生菜包住食tim~

呢份韓燒仲配一個飯, 夠哂飽肚。


【蘋果.奇異果 Detox Water】特飲 +HK$12

生果水同糖水分開放, 客人可以自行調較甜度, 呢個生果水有很淡既蘋果+奇異果, 果味其實唔太突出, 而且蘋果肉已經冇味


午市定食【烤五花肉流心蛋飯】HK$48

原來呢個飯都幾大碗, 五花肉同埋蔬菜份量各佔一半, 面層仲放左隻一篤即穿既流心蛋。將整個飯攪拌後, 流心蛋蛋汁令成個飯帶少少黏, 而且仲有微微既蛋香味。

因為有大量既五花肉同埋蔬菜, 食落口感超豐富, 五花肉仲好入味tim....

【藍天使梳打】+HK$6

原來係一杯很甜既檸檬梳打, 不過等D冰開始溶時, 甜度又岩岩好。

【紫菜包飯】+HK$48

見咁抵, 當然要order試試啦, 不過呢個紫菜包飯味道很淡, 但入面既蔬菜絲令口感大大增加。

女仔永遠有兩個胃, 最後我地order一人一個甜品為呢餐lunch作完美句號；

【士多啤梨迷你冰凍】HK$48

士多啤梨份量都幾多, 底層既冰係有少少奶味, 上面有雲呢拿既cream, 酸酸地既士多啤梨配上甜甜地既冰雪, 底下仲有少少既士多啤梨醬, 由第一啖到尾都可以食到呢杯既主角士多啤梨味道。

【Oreo朱古力迷你冰凍】HK$42

初時意為呢款味會太甜, 但原來只係有少少朱古力醬, 比預期中甜度較低。

雖然話午餐係一人份量, 但其實就算唔加任何追加/甜品都已經夠哂飽, 份量很足, 韓式定食平均都係60蚊左右, 呢個食物質素仲可以有呢個價錢, 的確很抵!!!
呢個午市只係 11;30 - 2:30 提供, 2:30之後仲會推出下午茶, 有機會下次黎試埋個下午茶先~

————————————————
餐廳名稱：炑八韓烤    
Address: 黃大仙正德街103號黃大仙中心南館LG01號舖
Tel.: 2617 1363
營業時間：

設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================