尖沙咀【北海道爐端燒】難波過江龍高質日本料理

最近計劃十一月既日本之旅, 無意中發現原來難波有間日本料理餐廳"北海道爐端燒"黎左尖沙咀開分店, 於是今晚相約友人一齊前去一試!
"北海道爐端燒"位於尖沙咀既樓上舖, 店內非常整潔, 牆上放滿不同酒樽做裝飾, 什有Japan style。

呢度每款美食都相當吸引, 大家都忍不住點左唔少野食share試試。

【桃色吐意】HK$38
呢度有唔少酒類飲品選擇, 但唔飲酒既我, 係三款無酒精飲品中揀左呢款"桃色吐意"。原來係一杯冰凍既桃味梳打, 正正係炎熱天氣下飲, 解暑又解渴。

一向係三文魚腔既我, 揀左呢度既三文魚刺身同醬油三文魚。送上檯時, 真係好有驚喜。

【三文魚刺身】HK$75
三文魚厚切之餘, 份量比出面其他餐廳為多, 入口能完全滿足口感, 又散發淡淡魚油。

【稻草烤醬油三文魚刺身】HK$98
呢款原來只係將三文魚既邊位稍為烤一下, 所以口感依然同三文魚刺身既一樣, 不同之處就係加左醬油, 入口細膩一點, 但同樣好食!

【海老刺身】HK$88 @2隻
算係幾肥美, 又爽又彈牙, 甘味較出

【左口魚邊壽司】HK$48 @2件
左口魚表面稍為燒過, 入口時感覺到左口魚帶少少暖, 一咬之下, 中心位原來仲帶點爽ga..經燒過後, 能迫出魚油, 正啊!!

【油甘魚壽司】HK$42 @2件
油甘魚用左腩位部分, 油甘魚為厚切, 口感好滑

【海膽忌廉炸肉薯餅】HK$68
第一次食呢個配搭既薯餅, 雖然我都係分開食, 海膽入口即溶, 至於薯餅, 可以用外層鬆脆, 內裡軟棉形容。稍為大力少少夾起, 都會容易分開。

入面有些少蟹肉跟薯仔蓉混合, 唔錯...

【炸明太子雞翼】HK52 @2隻
表面色澤金黃, 脹卜卜...炸後表面唔會油膩, 入面既明太子仲好多tim~ 而且仲食到雞翼入面既原汁原味, 帶點juicy~

幾乎入黎都會必點既款式, 一款可以享受埋視覺感受。
侍應會推出一大磚芝士係我地面前表現。先刮出少少芝士, 再將意粉倒入攪拌30秒左右即起。

【煙肉芝士奶油意大利麵】HK$128
意大利麵為闊條麵, 超級creamy!!!芝士同奶油兩者味道都很平均, 意外驚喜係蝦仲多過煙肉, 隻蝦幾爽ga~~

呢度既野食果然冇令我失望, 所有野食都非常高質, 拍得住日本既質素, 而且服務更招呼周到, 不停主動為我地加茶, 有機會定必再黎encorn!!

————————————————
餐廳名稱：北海道爐端燒
Address: 尖沙咀亞士厘道27號捷利商業大廈3樓
Tel.: 24992217
營業時間：
星期一至日
12:00-15:00
18:00-23:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================