近石板街既一條小巷, 門面被一些檔灘遮了, 令餐廳門口不顯眼, 幸好有這個指示牌引導我們找到了。
店內面積較細, 座位唔算寬敞, 設有開放式廚房, 但不會感到油煙焗促感。
黎到必要試既一個特色主打海膽杯
【特級S2海膽杯】HK$398
一層層既刺身疊起, 用小匙一層一層食, 除左味道, 更滿足到不同口感。每層刺身都非常新鮮, 絕對沒有腥味。
先食最頂的北海道紫海膽, 入口即溶, 鮮甜味十足, 海葡萄先滿足豐富口感, 再用小匙重疊多層刺身一齊食: 藍鮨吞拿魚拖羅蓉+三文魚籽+白蝦, 口感很棉, 更有鹹香魚油味。
再來又是海膽再併松葉蟹肉, 海膽味道沒有蓋過蟹肉鮮味, 反而更突顯蟹本身既鮮甜味, 最後再是海膽+海帶, 富有爽口感。
【櫻花蝦玉子燒】HK$128
玉子燒雖然不是真正於表面火灸過, 但蛋香味很重, 甜甜的, 感覺很像一個甜品, 櫻花蝦不會太乾, 反而令整件玉子燒帶點香口。
【牛油果帆立貝洋風沙律】HK$168
原來呢個沙律都有海膽!! 整個沙律既帆立貝刺身跟蔬菜類份量成正比, 大大粒帆立貝切片, 亦不失本身既鮮甜味, 牛油果索左D汁都唔會一pat pat, 略帶酸味既蕃茄仔, 配上檻欖油同埋西式蜜糖, 令整個沙律生色不少, 愈食愈開胃。
【S2特色火焰卷】HK$148
食卷物很少機會可以滿足埋視覺享受, 店員將酒淋上盛有鹽既碟上, 再點火。
卷物於火焰中展示著, 令我們更添期待感。火焰維持了一分鐘左右就熄了。
卷物上既芝士被火焰熱力成溶化狀態。卷物頂層有蟹子、溶化中既芝士, 仲有薄薄既帆立貝, 卷身中有蟹柳同埋玉子。
整個放入口, 面層重味的跟下層壽司卷物混成一體, 令味道更為一致。
【太極】HK$108
想不到可以用刺身併成太極符號, 很有創意。
白蝦+紫薯為左, 加上三文魚籽, 不過紫薯跟三文魚籽鹹香味搶了白蝦鮮味, 所以白蝦味道唔太突出。
又是大大粒海膽+吞拿魚蓉, 上層仲有幾粒魚子, 入口即溶海膽跟濕潤吞拿魚蓉溶為一體, 正!
【芝士年糕】HK$48
暖暖既芝士年糕口感軟棉, 一咬之下芝士爆漿, 用脆口紫菜包住香濃又滑既芝士入口, 完全滿足外脆內軟口感。
【清酒鮑魚雞翼】HK$78@1隻
明太子雞翼食得多, 去骨雞翼入面包住原隻鮑魚仔都係第一次食!!! 見到師傅稍為將雞翼烘過, 再用火搶將表皮燒一下, 不但令表面金黃, 更不會令雞翼肉汁流失。
入面既鮑魚仲有香醇酒味, 入味之餘更帶爽口彈牙。
【雪海板上飄】HK$318
再黎一道可滿足視覺享受既菜色。
呢個並不是普通冷麵, 而是富有彈牙口感既蒟蒻冷麵, 淋上了秋葵汁, 食落很juicy, 很清新。
【海膽雪糕】HK$68
就連雪糕都有海膽味!!! 自家製海膽雪糕確實唔係周圍有得食。
味道不會是濃烈海膽味, 反而很有奶油香, 入口細滑, 唔會好甜~
整體而言, 今餐每款美食都帶給我們驚喜, 款式係其他餐廳亦未必食得到, 無論賣相配搭、味道, 都能滿足視覺同味覺享受。亦很欣賞佢地既 "創作", 特別係海膽雪糕, 竟然可以將刺身前菜主食既食材帶到甜品。
身為一個海膽腔既我, 絕對看得出餐廳師傅用心!!!
————————————————
餐廳名稱：S2 Kitchen
Address: 中環威靈頓街51號地下A舖
Tel.: 28858803
營業時間：
星期一至五
11:00-16:30
18:00-22:30
星期六: 13:00-23:00
星期日: 全日休息
公眾假期: 13:00-23:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================
沒有留言:
張貼留言