通常假日我都會早食飯, 於是就BOOK左晚市既第一ROUND, 五點入座! 一心意為人流會比較少, 完全錯哂! 依然座無虛席, 超旺!
呢度除左Click紙仔落單, 出面仲有個area for 凍盤、少量熟食、湯、甜品, 同埋以幾個合併雪櫃放野飲, 當然貼心地都有供應埋常溫同熱飲~
而今次最為美中不足, 就係個雪糕機壞左! 無緣食到佢地自家製既超滑雪糕~
自取冷盤我就拎左八爪魚仔、螺肉、海蜇素翅。先開開胃口, 海蜇幾爽tim~
放題click紙仔落單既款式不少, 刺身、手卷、壽司、卷物、炸物、鍋物、串燒等... 不得不讚呢度既落單很有效率, 職員很快就會收紙仔落order, 食物亦都很快被送到。
先黎一盤刺身, 刺身以冰墊底, 整齊排列著, 呢度既刺身款式多多, 最重要係新鮮唔會有腥味!
帶子刺身大大粒, 很厚, 鮮甜無比!
劍魚腩比起三文魚刺身魚油較豐富, 螺片唔會太硬
赤貝 就有d薄, 爽口感唔太出
火灸種類既壽司唔會燒太燶/太乾
特別係火灸三文魚壽司, 迫出魚油, 正~ 壽司方面size小小的, 食多幾件唔怕咁易飽
天婦羅蝦 外皮酥脆, 蝦肉雖然唔係太粗太大隻, 但肉質略爽, 唔係死蝦口質
串燒雞軟骨 軟骨不連肉, 本身唔錯, 但燒過龍, 乾得有d韌
燒菠蘿 菠蘿keep得juicy, 表面暖暖地, 清甜, encorn左兩round!
呢度既炸物做得唔錯, 表面唔會油膩,
一口炸芝士 表面香脆, 內裡軟滑芝士, 芝士味濃
炸榴槤 同樣表面香脆, 一咬開入面既係流心榴槤, 甜甜地, 榴槤味陣陣散出, 正!
芝麻雞翼 非常香口, 雞翼肉質很滑, 仲有豐富肉汁
芝士蘑菇雞翼 去骨雞翼中, 塞了幾片蘑菇, 雖然不是炸物, 但外皮帶少少甜, 入面有少少芝士帶出味道, 唔錯!
黃金焗帶子 跟沙律醬一齊焗, 賣相呈金黃色, 味道幾濃
呢度除左有串燒蝦, 仲有鐵板燒蝦, 表面係甜甜地帶杰既汁醬, 幾惹味
牛油粟米粒 食得方便, 小朋友食就更岩!
海鮮粥 口感幾棉, 而且鮮甜, 入面只有蟹同埋蝦, 不過隻蟹已經冇味
當然要留肚食埋甜品啦!
甜品均為自取, 有雪糕、雪條、豆腐花, 同埋幾款小甜點
當中既西米糕做得唔錯, 幾滑, 同埋唔會太甜~
2小時任飲任食, HK$300有找可以食足2個鐘確實幾抵。
冇漏單, 食物上得幾快, 而且最後Last order 職員都會再問下每張檯仲有冇野食未到, 服務亦招呼周到, 很貼心地係我剝緊蝦時主動送上濕紙巾。
************************************************
吉壽日本料理
旺角彌敦道655號胡社生行5樓
Tel.: 36210901, 36210902
營業時間:
星期一至五: 17:00 - 00:00
星期六至日: 12:00 - 15:00; 17:00 - 00:00
公眾假期: 12:00 - 15:00; 17:00 - 00:00
************************************************
【FOLLOW ME】
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
Pixnet: http://keresa.pixnet.net/blog
BeautyExchange: http://www.beautyexchange.com.hk/blog/keresawong.l.s
She.com: https://blog.she.com/keresawongls/
ESDlife: http://wow.esdlife.com/keresawong
Weibo: http://weibo.com/keresawong
************************************************
合作/邀請：keresa820@hotmail.com
************************************************
沒有留言:
張貼留言