經過兩個多月晚市禁堂食措施, 今晚終於放寬堂食至十點。放工當然第一時間同同事去食返餐!
早前揸車經過山林道, 見到一間餐廳外牆佈置上五光十色嘅霓虹燈, 無論食咩菜式, 總吸引我地前去試試, 重點是打個卡吧!
店內環境開揚, 坐近窗邊, 更能感受自然風吹入,
而牆上同樣佈置了繁體字形霓虹燈, 另一邊有projector投射牆上播放著外國MV,
富有香港風味, 亦加添外國元素, 氣氛很適合年輕一代。
餐廳除有FUSION美食, 亦有提供調酒, 不過暫時未領取酒牌, 今晚就只能一嚐美食了。
【油甘魚薄切, 三文魚子 (煙燻) 】HK$108
賣相充滿神秘感, 菜式被濃煙濃罩著, 店員慢慢打開, 燻香撲鼻, 隨即菜式慢慢呈現。
油甘魚有一點點厚度, 仔細聞到油甘魚還殘留少許煙燻味, 夾集三文魚子、洋蔥碎同時入口, 更能突顯鮮味魚香。有別於一般日本餐廳所食到嘅油甘魚刺身, 值得一試!
【銀魚柳蕃茄莎莎多士(蒜蓉蛋黃醬)】HK$88
稱得上集鹹酸重口味於一道嘅前菜, 粒粒蕃茄似乎再加入了酸味味白醋, 配上鹹香嘅銀魚柳, 還好跟多士一齊食, 能稍為平衡這個濃郁配搭, 吃後感覺開胃。
另外, PIZZA & BURGER更有自選配搭, 岩哂不同口味嘅食客。
【基地PIZZA HK$120】(自選三款材料)
揀左水牛芝士、雞肉、辣肉腸, 雖然所選嘅配搭唔算特別, 但個人很欣賞芝士極為足料!
芝士完整蓋過了雞肉、辣肉腸, 熱辣辣時有微微拉絲, 入口食到綿滑芝士口感, 芝士奶香味重, 完全滿足到芝士控嘅我!
【基地自選Burger】HK$100 (+$40追加鵝肝)
揀左烤龍蝦肉, Burger有烘底,, 跟傳統Burger同樣配上沙律菜、蕃茄片、芝士、蛋黃醬,
龍蝦肉質地偏林, 嫌鵝肝過熟, 失去了入口即溶的口感。
.
基地 Base Bar & Restaurant
尖沙咀山林道29-31號廣利樓地下A號舖
星期一至日: 12:00 - 02:00
平台參考:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
小紅書: https://www.xiaohongshu.com/user/profile/5b230759e8ac2b524de93a5e
BeautyExchange: http://www.beautyexchange.com.hk/blog/keresawong.l.s
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言