刺身壽司嘅OMAKASE食得多, 今晚朋友帶咗我去食串燒OMAKASE, 感覺新奇, 好期待!
韓國街其中一道木門拉開, 就係OMAKASE串燒餐廳。
其實兩年前都有黎過食串燒, 但當時係散叫, 宜家轉做每位$888 (另加一) OMAKASE, 將最正嘅串燒送到口中, 每道都充滿神秘同期待感。
先送上薄脆鱈魚片: 超薄脆, 脆得有如鳳凰卷薄皮一樣, 甜甜地, 點少少沙律醬食。
松葉蟹肉、魚仔沙律: 魚仔有魚香, 表面稍為燒過, 魚頭魚尾都係脆身, 可原條食; 蟹肉有少少鮮甜味, 配上酸尾尾嘅沙律菜食, 先開開胃。
軟骨免治雞肉棒: 雞肉棒內keep到肉汁, 有軟骨幼粒, 表面燒過再掃了鹹鹹嘅燒汁, 再點蛋汁, 食落唔寡。
沖繩水雲配東京嘅青魚: 酸尾尾爽水雲, 有兩片滑滑有魚香嘅青魚, 再加入薑絲, 中和酸度, 同時提升到鮮味
北海道哈利蚌: 用白酒煮, 冇額外調味, 哈利蚌極之肥美, 有酒嘅甘香, 比起蜆更爽彈
牛利拖羅配麻油京蔥汁: 質地超嫩滑, 有彈性, 個汁很麻香, 少少辣, 好惹味
意大利青瓜、青椒仔: 青瓜口感似翠肉瓜, 多汁, 有明太子醬做點驟, 令青瓜味道生色不少。
燒白鱔, 掃咗鰻魚汁, 灑了新鮮柚子皮: 白鱔林身, 皮燒得微脆, 啖啖很有柚子皮嘅清新
本地花螺: 煮熟再雪凍, 有鮮味
黑豚腩肉配蝦膏醬、萬能蔥: 黑豚腩燒過迫出了部份油脂, 再有蔥平衡了油膩感, 聞到有蝦醬香味, 食落有陣陣鹹香。
昆布清湯: 湯味道清甜, 有索咗湯嘅米餅, 帶點點煙韌
最後送上甜品: 雞蛋布丁配十勝紅豆: 布丁很滑, 有甜甜蛋香, 十勝紅豆甜甜軟棉 菠蘿: 表面有層薄薄焦糖, 菠蘿熱辣辣, 超甜又多汁, 用咗冧酒燒, 不過唔太食得出酒味。
套餐不包飲品, 需要另外order。呢度有唔少清酒, 更有少量汽水、juicy選擇。
. 黑木 尖沙咀金巴利街8號地下2號舖
星期一至日: 12:00 - 15:00; 17:30 - 22:00
.
平台參考:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
小紅書: https://www.xiaohongshu.com/user/profile/5b230759e8ac2b524de93a5e
BeautyExchange: http://www.beautyexchange.com.hk/blog/keresawong.l.s
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言