新蒲崗【林洪記水產】新蒲崗少有的海鮮蒸汽火鍋放題

丫妹係新蒲崗返工, 得知附近新開咗間任食放題, 有雞煲同蒸汽海鮮火鍋選擇, 對於新蒲崗黎講, 比較少有呢類型任食, 近近地今晚食返餐。

餐廳新開關係, 地方都很整潔光鮮, 不過二人檯又加個蒸汽鍋, 放食物就迫左d。

入座起計2小時任食, +$20/位可升級任飲, 如果唔加, 餐廳都會提供熱開水。

我地揀左蒸汽海鮮火鍋, 再加咗$40升級轉龍蝦。店員隨即加入清雞湯於火鍋中, 面層有格for蒸海鮮。

店員事前已清楚表明, 用餐時間只有2小時, 如超時會自動每位多附加$80/位

先送上海鮮併盤, 龍蝦仔(每位半邊)、鮑魚、蜆肉、貴妃蚌、扇貝、鱔, 伴有文昌雞件、安格斯小牛排。

龍蝦仔肉質彈牙, 細味有淡淡鮮味; 鮑魚相對最鮮甜, 蜆肉冇沙, 鱔有鮮味, 不過太過迷你。雞件很嫩。

差不多食完海鮮併盤, 就click order 品嚐任食款式, 店員指每次限點8款, 差不多食完可以再入單, 而食物都黎得幾快, 呢個安排都合理, 可接受。

拎開層格就開始打邊爐, 湯底味道好清,

少量海鮮款式都有任食, 其中海螺、蝦, 最值得無限encore! 

田雞有鮮味, 牛柏葉爽口, 芝士腸咬開有少少芝士爆出, 肥牛很嫩,

蟹籽鮮蝦滑熟咗都很好林, 唔係彈牙口感,

即包鮮蝦雲吞比較失望, 入面唔見有蝦, 似係上海雲吞。

其中一款熟食有黃金炒蟹, 被拖過下油, 外層炸皮鹹鹹地, 肉質有d鞋口。

另外一提就係濕紙巾係超限量供應, 因為食海鮮關係, 想問餐廳拎多張, 但一位短髮中年女待應只提供一張, 說明原本已經有一張, 但其實用餐已約一小時, 原本果張濕紙巾用到污糟而且乾哂, 最後比佢檢查後, 才不情願地黑面比多一張。服務有待改善。

.

林洪記水產

新蒲崗仁愛街2號地舖 

.

平台參考: Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ 小紅書: https://www.xiaohongshu.com/user/profile/5b230759e8ac2b524de93a5e BeautyExchange: http://www.beautyexchange.com.hk/blog/keresawong.l.s ESDlife: http://wow.esdlife.com/keresawong Weibo: http://weibo.com/keresawong