跟多年冇見嘅好友相聚, 由於我倆都喜歡食日本料理, 而Omakase平日lunch比dinner抵, 所以就係網上搵咗間評價唔錯嘅餐廳---鮨三川。
餐廳內分兩面吧檯區域, 同樣可以近距離欣賞師傅處理食物過程。
我地揀咗HK$398/位嘅套餐, 包括了沙律、茶碗蒸、手握12件壽司、烏冬、甜品
沙律菜加了醋, 但稍為過酸咗D, 還好令胃口大開
松露蟹肉茶碗蒸: 淡淡蛋香, 超滑, 入口即溶, 內有鮮甜蟹肉、少少松露吊味
真鯛: 魚質好滑, 冇筋, 有淡淡魚香, 表面加咗少少薑提升鮮味
平目魚: 魚味偏淡, 掃咗少少豉油作調味
帆立貝面層加咗少少竹碳鹽, 微微帶出帆立貝鮮味
柚子胡椒間八魚: 魚略爽, 微酸柚子調味, 令整體清新
伊左目: 輕輕火炙過, 令魚皮微脆香口
牧丹蝦: 面層蝦膏額外被火炙過, 甘香暖暖地, 蝦肥美爽口帶黏口, 整體能食出整隻蝦嘅味道精華
鯖魚: 質地滑, 味道甘香, 加咗少少薑蔥, 避免有魚腥味
拖羅蓉: 加了醃過嘅蘿蔔碎粒、蔥粒, 整件入口食到爽脆粒粒嘅層次, 少少酸味味, 配搭少有好味。
銀鱈魚: 表面微微火灸過, 帶出了甘香魚油, 再有柚子麵豉做點驟, 正!
拖羅: 魚油超豐富, 富有魚香
三文魚籽軍艦: 整個入口, 有層次, 每咬一口都feel到三文魚籽爆開嘅鹹香魚油。
馬糞海膽: 用脆紫菜盛住壽司飯, 再加上一小排海膽, 海膽味道濃郁甘香冇腥味。
品嚐了12件美味壽司後, 隨即送上熱食烏冬,
最後送上富士蘋果雪糕做甜品, 蘋果味重, 而且仲有清甜蘋果肉, 超正!
.
鮨三川
銅鑼灣渣甸街50號渣甸中心6樓
星期一至日: 12:00 - 15:30; 19:00 - 23:00
.
平台參考:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
小紅書: https://www.xiaohongshu.com/user/profile/5b230759e8ac2b524de93a5e
BeautyExchange: http://www.beautyexchange.com.hk/blog/keresawong.l.s
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言