經常幫襯連鎖式壽司店, 今晚放工好姊妹相約我去旺角花園街一間主打壽司小店食Dinner。當然有壽司食, 我係來者不拒, 而今餐帶來了驚喜, 質素超出預期。
餐廳面質不大, 設有吧檯同少量table位。呢度有多款刺身、壽司、小吃等….自行掃QR code落單, 壽司師傅隨即製作, 上檯速度好快。
食材新鮮, 供應多款刺身、壽司、小吃等….質素有驚喜~
【鮪世刺身盛】HK$298
刺身盛精選咗餐廳六款最具人氣嘅刺身, 賣相擺盤靚到一上檯我地嘩咗聲,
🔺三文魚腩: 超厚切, 魚質有少少彈性, 散發魚油香, 口感飽滿, 大愛!!
🔺特大赤蝦: 肥美爽甜, 師傅將赤蝦開邊去除了蝦腸, 好貼心。
🔺油甘魚: 有少少厚度, 爽滑甘香。
🔺日本帆立貝: 肥美大粒, 開邊夾住了青瓜片, 鮮甜中帶點清新。
🔺中本鮪魚腩: 鮮味無筋, 魚油豐富, 魚味濃。
🔺立魚薄切: 有四件薄切, 配柚子醋汁食, 吃出淡淡魚鮮, 很有清爽感。
刺身盛還配有味噌湯、青瓜條配芝麻醬、沙律, 豐富抵食!
【北海道海鹽炸甜蝦】HK$58
即炸甜蝦, 甘香酥脆而不油, 沾上沙律醬食, 味道更提升。
然後我地仲order咗多件壽司同卷物, 醋飯底軟熟, 不是乾硬那種, 而且每件都很有份量, 大滿足!
【三文魚壽司】HK$9/件
三文魚有魚香, 配上醋飯底, 繼厚切三文魚腩, 原來三文魚壽司也不錯。
【火灸三文魚壽司】HK$10
經火灸過嘅三文魚, 表面滲出了少量魚油, 有微微燒焦, 魚質偏林。
【赤貝壽司】HK$13/件
赤貝雖然薄切, 不過有兩件覆蓋著壽司飯, 赤貝爽口鮮甜, 冇腥味。
【油甘魚壽司】HK$18/件
甘香鮮味油甘魚帶點點厚度, 同樣滿足到口感。
【火灸左口魚裙邊壽司】HK$18/件
火灸左口魚裙邊表面富有油光, 很有油香, 配搭壽司飯底平衡到油膩感。
【立魚壽司】HK$18/件
立魚為淡味魚, 但依然食到本身魚味, keep到原汁原味唔乾身。
【芥末三文魚軍艦】HK$13/件
三文魚粒都幾大粒, 滿足到口感, 撈咗芥末, 令整體味道更加惹味。
【芥辣八爪魚軍艦】HK$13/件
八爪魚爽脆有層次, 加入了芥辣, 同樣惹味。
卷物份量係意想不到澎湃,
【燒三文魚卷】HK$58
飯卷卷住了甜蛋、蟹柳、青瓜, 面層有火灸三文魚再伴有三文魚籽點驟; 整體口感有層次, 又平衡到火灸三文魚嘅魚油, 而且仲食到卷物中蟹柳嘅鮮甜。
【香蔥本鮪魚蓉卷】HK$58
魚蓉卷中有一小卡吞拿魚, 面層堆了份量澎湃嘅吞拿魚蓉, 魚香味十足, 口感棉密。
.
鮪世市場
旺角花園街3-5號鴻威大廈地下10-11號舖
.
其他平台:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
She.com: https://blog.she.com/keresawong/
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言