個人好中意食海鮮, 但自己又懶得洗懶得煮, 出街食又怕挨海鮮價, 前排同事去過鯉魚門「蟹仙」食蒸海鮮後讚口不絕, 原來銅鑼灣都有分店, 相約友人今晚去滿足一下味蕾。
餐廳環境乾淨企理。
數款套餐價錢選擇, 今次揀咗最平嘅【尊貴海鮮套餐】HK$449/位 (醬油HK$15/位)
開餐前店員開蒸汽將餐具高溫殺菌, 再係鍋中加入米飯, 待食完蒸海鮮後食。
全程由店員逐款放上蒸爐, set好蒸煮時間, 唔怕蒸過龍, 全晚真係負責食食食....
加拿大野生生海虎蝦: 蝦肉肥美爽甜
黃金翡翠螺: 冇沙, 螺肉大大粒, 爽而不硬。
台灣九孔鮑魚: 鮑魚已預先去除內臟, 爽彈有鮮味。
韓國斧山珍珠蠔: 首round蠔不太鮮, 店員樂意更換至滿意, 蠔味鮮香、鮮甜多汁。
蟹皇大元貝: 元貝上加了蟹籽, 更加提鮮。
大西洋野生青口: 很少可唔點豉油都可以咁鮮甜, 又多汁。
野生琵琶龍蝦: 琵琶龍蝦啖啖肉, 鮮甜無比有肉汁, 口感爽彈。
韓國釜山鰻魚: 食到鰻魚獨有嘅鮮味, 魚質偏林。
野生膏仔蟹: 蟹果然爆膏, 蟹膏甘香鮮甜, 梳梳鮮味蟹肉, 啖啖鮮味, 令人回味!!
有機蔬菜籃: 蔬菜蒸煮後, 清甜美味。
最後, 店員加入菜脯同蔥粒, 粥底綿密, 盡吸剛才蒸海鮮遺留嘅精華, 鮮甜美味, 加入嘅菜脯同埋芋頭粒, 令口感有層次。
最最最後還送上是日甜品, 椰香味突出。
蟹仙海鮮蒸碢大公館
銅鑼灣謝斐道500號維安商業大廈地舖至1樓
.
其他平台:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
She.com: https://blog.she.com/keresawong/
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言