7.04.2026

銅鑼灣【銀米雲野】米線以外又一選擇

同朋友係Times square睇完戲覓食, 經過見到新開咗呢間「銀米雲野」就入去試試。


餐廳環境裝修富有中國雲南風, 座位舒服, 而且冷氣都幾夠凍, 食辣野/火鍋都唔會食到成身汗。


主打雲南米線, 但我地揀咗呢個主食係火鍋跟飯嘅套餐, 同樣好豐富, 而且兩個人SHARE都夠哂飽。



【一口雲南】HK$398 (二人餐)

包含了三款小食、鍋物、甜品同兩杯野飲。

蜜漬樹番茄:

多汁黃番茄仔開邊, 淋上了大量桂花蜜, 味道更加香甜。


香烤牛肉串:

牛肉幾有肉香, 唔會過於乾身, 沾上辣粉/泰式酸辣汁食, 幾惹味。


檸檬糖雞翼:

雞翼炸得外層酥脆不油, 內裡肉質嫩滑, 搭配青檸片自行加上, 清新解膩。


雲南特色菜-雲南牛肝菌燜飯:

每粒飯粒充滿濃郁醬香味, 有少量牛肝菌, 菌味香濃; 另配有一個湯, 不過偏油膩。



油涮佐料牛肉:

鍋物中整齊併搭了多款配料, 包括有大量莞茜、蒜蓉、洋蔥絲、辣椒粒、紅椒粒、花椒、韭菜等…然後店員開火倒入一碗油, 再將牛肉拌入蛋液平均撈起, 自行煮至喜歡嘅熟度, 牛肉口感更顯滑嫩極致, 而且滲出油鍋嘅配料香氣。










甜品 - 手工酸奶 (兩份):

酸奶很挺身, 富有奶香, 伴有甜酸梅醬自行加入, 面層再加咗脆脆, 增添口感層次。


飲品(兩杯) - (+$8 可轉越南滴漏咖啡/薄荷酸角汁)

+$8 升級: 薄荷酸角汁

小竹籮內有透明膠袋盛載薄荷酸角汁賣相復古又別緻,

酸角汁加上大量薄荷碎葉充滿清涼草原氣色, 酸角果酸味濃郁, 好強青檸味, 同時帶有薄荷清新感, 酸甜勁解渴, 消暑一流!


另外一杯order咗奶茶, 

茶味香濃, 非常提神!


銀米雲野 

銅鑼灣勿地臣街1號時代廣場11樓1104號舖

By
Labels:

沒有留言:

張貼留言

訂閱： 張貼留言 (Atom)

銅鑼灣【銀米雲野】米線以外又一選擇

同朋友係Times square睇完戲覓食, 經過見到新開咗呢間「銀米雲野」就入去試試。 餐廳環境裝修富有中國雲南風, 座位舒服, 而且冷氣都幾夠凍, 食辣野/火鍋都唔會食到成身汗。 主打雲南米線, 但我地揀咗呢個主食係火鍋跟飯嘅套餐, 同樣好豐富, 而且兩個人SHARE都夠哂飽...