於旺角街頭見到一個易拉架廣告, 得知附近有間價錢唔貴嘅烏龍麵, 當然要去一試! 食過之後我地都異口同聲, 好食! 絕對值得再encore!
餐廳面積小小, 除了供應各款湯底烏龍麵, 仲有數款口味嘅大阪燒、蛋餅、日式烤蛋糕、乳酪、特飲。可惜太晏去到, 日式烤蛋糕已賣哂, 無緣食到, 但今日所order的, 樣樣都驚喜好食!
【芝士吞拿魚粟米蛋餅】HK$42
蛋餅卷住了大量吞拿魚、芝士同埋粟米粒, 口感軟糯, 滲出蛋香蛋甜同埋咸香味, 大愛!!
【章魚大阪燒】HK$88
大阪燒厚厚的, 食材包括有椰菜、章魚片分佈緊密, 包括有椰菜, 面層加了大量木魚碎, 相當足料, 陣陣蛋香, 再加上了沙律醬同埋日式燒汁, 層次豐富又美味。
【香煎虎蝦咖哩湯烏龍麵】HK$78
咖哩湯汁咖哩味濃郁, 質地杰得容易掛汁, 烏龍麵煙韌彈牙, 掛上了湯汁, 啖啖微辣惹味, 每隻虎蝦被輕輕煎過, 爽口美味; 伴碟嘅半隻糖心蛋仲好軟滑。
[跟餐] +$22 追加了芝麻豆乳: 豆乳中加入了芝麻漿, 黑芝麻味非常香濃。
【炙燒慢煮雞叉燒蕃茄湯烏龍麵】HK$88
雞肉卷成一卷卷再厚切, 炙燒慢煮帶點微燶, 同時keep到嫩滑, 蕃茄湯底有大量蕃茄蓉, 同樣易掛汁, 甜酸開胃, 好食到一滴汁都無剩。
[跟餐] +$22 追加了可可豆乳
朱古力味偏濃, 配豆乳果然不錯!
自由配: 乳酪雪糕 HK$58 (配料額外另計) - 外賣更可享買一送一優惠!
乳酪雪糕質感幼滑, 自選加入自家製芝麻醬, 配有煙韌白玉丸子、麻糬粒粒、香檳葡萄爆珠、玄米脆脆、開心果脆脆、比利時Lotus餅, 每啖層次豐富。
楓
旺角廣華街1號仁安大廈地下32B-D號舖
.
其他平台:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
She.com: https://blog.she.com/keresawong/
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言