竟然比我發現到尖沙咀地段, 有個咁抵食嘅放題, 每位二百蚊左右, 限時一個半小時, 任食MENU上所有食物, 看似款式比起一般主打放題嘅餐廳少, 不過呢個價錢再加質素好, 可算係性價比高, 回本率極高。
餐廳分為兩個區, 前PART為甜品區, 最入為西餐區域。環境乾淨舒適, 昏暗燈光令氣氛更CHILL。
除了呢個放題套餐, 餐廳如常有另外MENU提供散點食物, 所以食材有返咁上下質素。
1.5小時任飲任食 HK$198/位(另加一)
星期一至四 15:00起供應 (假期暫停)
食物主要為西式小食, 其中有兩款主食Pizza, 而飲品方面就有多款酒類同埋汽水任飲。
時間關係, 首round策略當然係點大量 (當然確保自己食得哂), 店員都會樂意幫忙落單, 而且食物上得齊。
香脆雪魚乾: 口感薄脆甜甜地, 沾上沙律醬食, 味道更提升。
串燒秋葵: 表面燒到微濃, 入口軟糯粘滑。
串燒雞皮: 雞皮不是燒到又乾又脆果種, 只係表面帶點焦香, 口感爽彈。
串燒雞軟骨: 雞軟骨有些少焦香, 有少少鹽調味, 爽脆又惹味。
串燒雞腎: 口感好爽, 唔會太乾, keep到少少肉汁。
薯條: 口感超香脆, 就算放咗一陣都依然脆而不油, 配上了茄汁同埋黑松露醬, 正!
炸蠔: 外層鬆脆, 炸得金黃而不油, 入面隻蠔仲好juicy!
炸雞粒配芝士醬: 炸得焦黃, 肉嫩多汁, 沾少少芝士醬食, 更加惹味。
和風餃子: 餃子皮薄, 豬肉餡料又嫩又富有肉香。
越式春卷: 外層香脆入面, 為中式春卷, 美味可口。
意式辣味香腸蘑菇薄餅: Pizza為薄批, 餅底香脆帶微微焦香, 附有大量鹹香芝士、辣肉腸、蘑菇、青瓜, 口感同味道都好有層次, 芝士味突出, 同時滲出辣肉腸嘅微辣, 正!!
KEW+
尖沙咀廣東道5號海港城海洋中心4樓412號舖
.
其他平台:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
She.com: https://blog.she.com/keresawong/
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言