刺身、壽司同埋鐵板燒都係我嘅最愛, 銅鑼灣呢間隱世Omakase就可以用一個價錢享受哂三種美食。
餐廳位於希雲街盡頭角落, 位置較為隱閉; 踏入餐廳感覺空間感大, 分開日式料理同埋鐵板燒位。
今晚選擇了HK$1280/位嘅刺身、壽司、鐵板燒嘅Dinner set。
沙律: 沙律菜跟胡麻醬分開上, 自行加入胡麻醬調出自己喜歡嘅濃度, 而沙律菜本身已加入了酸醋, 極為開胃。
左口魚 海膽 紫蘇花:
左口魚配上酸汁、紫蘇花, 清新爽口; 而左口魚包住了海膽, 入口即溶, 更吃出海膽甘香鮮甜。
火炙梳子魚: 富有濃烈火炙嘅香味, 碎洋蔥平衡火灸濃郁味, 魚質林滑。
煙燻平靜魚: 入口煙燻味突出, 魚質鮮嫩, 清香鮮味。
岩鹽車海老:
即席將原隻蝦去殼, 見到隻蝦仲微微郁, 意想不到係選用新鮮蝦做蝦刺身, 口感超爽嫩, 加咗岩鹽同埋青檸提鮮。
天婦羅蝦頭: 香脆可口, 甘香超鮮甜。
北海道馬糞海膽軍艦: 海膽甘香鮮甜, 入口即溶, 口感creamy, 令人回味。
拖羅壽司: 分別以三片拖羅組合而成, 選用了兩片大拖羅夾一片魚鮫, 令食落魚油層次更豐富, 魚味更濃郁。
香煎馬友魚: 馬友魚皮脆有魚香, 伴有甜酸汁, 帶出魚本身鮮味。
北海道帶子: 帶子表面煎得微微金黃, 帶些少微溫, 內為刺身口感, 汁料很清甜。
大蝦: 已去殼蝦球加埋蝦膏一齊炒, 倍感鮮味, 蝦球超爽彈, 甘香鮮甜。
香煎鵝肝脆多士: 鵝肝表面帶點焦濃, 很有油香, 伴脆多士同埋黑醋食, 平衡了油膩。
牛肉薄燒: 牛肉有點乾身, 唔會好油, 包住了蔥蒜食, 更為香口; 伴有脆蒜片, 平均整體油膩感。
鐵板炒飯、炒雜菜: 炒飯炒得乾身, 粒粒分明, 味道偏淡; 但當配上炒芽菜兼有脆蒜一齊食, 味道又恰到好處。
味噌湯: 將剛才嘅蝦頭熬煮而成, 甘香鮮味濃郁。
自選甜品: 抹茶奶凍/雪糕/生果
揀咗抹茶奶凍, 抹茶味極為濃郁, 奶凍滑得入口即化, 蛋甜味十足。
旭
銅鑼灣希雲街38號地下2號舖
.
其他平台:
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: https://blog.ulifestyle.com.hk/keresawong
She.com: https://blog.she.com/keresawong/
小紅書: https://www.xiaohongshu.com/user/profile/5b230759e8ac2b524de93a5e
ESDlife: http://wow.esdlife.com/keresawong
Weibo: http://weibo.com/keresawong
沒有留言:
張貼留言