天時暑熱冇胃口, 最岩就係食麻辣火鍋開開胃。假日中午相約朋友去尖沙咀「海底撈火鍋・宴聚」嘆午市套餐, 份量足夠2-3人share食。
餐廳環境乾淨企理, 座位舒適分明, 氣氛清靜, 適合同朋友慢慢傾住計打邊爐。
餐廳設一角落放有自助醬料區、少量水果同埋冷盤小食。
午市套餐包含了一瓶柑桔檸檬/酸梅汁, 湯底亦可自選鴛鴦口味。
【牛氣甄選午市套餐】HK$488
濃濃番茄牛腩鍋底: 番茄味香甜濃郁, 有少量蕃茄肉。
樂山風味紅湯牛油鍋: 深紅色紅湯賣相嚇倒, 但辣度未至於太重口味, 辣得黎好溫順。
撈派生鴨血:
生鴨血色澤嫩紅, 賣相很水, 待應協助加入湯底, 熟後鴨血軟滑冇異味。
一大盤以冰墊底嘅牛併盤上檯,
包括有雪花牛小排、牛板腱、肥牛同埋毛肚, 每款牛色澤嫩紅新鮮, 油花中等, 唔會太油膩, 毛肚非常爽口。
套餐包括有三款蔬菜類, 可以盡吸湯底精華, 包括有高山娃娃菜、油麥菜苗同埋
金針菇
炸饅頭:
饅頭表面炸得金黃微脆, 內裡軟熟, 沾煉奶食, 正!
豆腐皮:
偏向有口感, 不會過份吸湯汁, 放入辣湯底中, 掛汁食幾飽肚。
其實套餐更包括有兩個公仔麵, 份量多得兩個人食有少少吃力。
套餐包含自選飲品, 柑桔檸檬:
甜甜地, 清新解辣一流。
最後送上雪糕糯米糍做結尾。
餐廳設有宵夜時間段足球直播, 就連黎緊世界盃直播都開放預約用餐啊~
海底撈火鍋・宴聚
尖沙咀加連威老道29A號地舖至2樓
.
KERESAWONG.L.S'S PLATFORM:
Instagram: https://www.instagram.com/keresawong.l.s/
Facebook: https://www.facebook.com/keresawong/
Threads: https://www.threads.com/@keresawong.l.s
Blogspot: https://keresawongls.blogspot.hk/
沒有留言:
張貼留言