📍Address: 尖沙咀加連威老道96號希爾頓大廈LG樓28號舖
Openrice: http://www.openrice.com/zh/hongkong/r-%E9%90%B5%E7%89%9B%E5%8F%B0%E7%81%A3%E7%89%9B%E8%82%89%E9%BA%B5-%E5%B0%96%E6%B2%99%E5%92%80-%E5%8F%B0%E7%81%A3%E8%8F%9C-%E7%B2%89%E9%BA%B5-%E7%B1%B3%E7%B7%9A-r481225
營業時間：
星期一至日: 11:30-21:30
設加一服務費
尖沙咀除左快餐之外, 要食一餐平平地既dinner, 真係有難度...
但尖東有間地庫開左間台式餐廳, 價錢大眾化, 而且仲唔洗加一! 味道仲要唔錯tim~~~
------------------------------------------------------------------------
【招牌紅燒牛肉麵】HK$58
湯底好濃牛肉味, 麵質軟硬適中, 牛肉好入味,大概有四大件, 而且極林, 好容易就咬開~ 如果食開濃味既朋友, 呢款岩哂你!
【蔥燒豬軟骨肉燥麵】HK$55
我一向好中意食豬軟骨, 所以見到呢款湯麵,當然要一試啦! 但呢個湯底比起牛肉麵既湯底味道淡好多, 呢個湯底以清雞湯黎烹調, 所以味道比較清淡~ 再有幾件大大件豬軟骨, 煮得好林, 軟骨位咬開好有口感~
麵質偏林, 呢款岩哂中意食得清淡既朋友.
【好芝味芝士鹽酥雞】HK$39
鹽酥雞炸得好脆, 上面林上芝士醬, 干左之後芝士醬形成左固體一塊~ 雞肉好嫩口, 而且Juicy... 連埋芝士一啖一粒咁食, 正啊!!
【酥炸花枝丸】HK$30
花枝丸上有少訐椒鹽, 外皮被炸到脆硬, 咬開有花枝粒, 食落好有口感, 而且有點彈牙, 略帶甜味.
【小街滷大腸併豬爽耳】HK$39
豬耳切得好幼, 食落唔太有口感, 但一d都唔肥膩, 另有大約四件豬大腸, 已去除豬腸中既肥膏, 食落有d煙韌
【鐵牛三寶拼盤】HK$98
超大碟既牛筋,牛腩同金錢脈, 成碟都煮得好林, 好入味, 就連牛筋都好易咬開, 好漿口~
【小碗滷肉飯】HK$28
細細碗飯, 滷肉既肥瘦好平均, 飯粒係珍珠米, 搞拌滷肉同汁醬後, 飯質比較濕, 但依然粒粒分明~
【小碗麻辣擔擔麵】HK$28
呢碗細細碗既擔擔麵好正! 有豬肉碎, 湯底好重麻醬味, 偏傑~ 同香蔥撈埋一齊食, 辣辣地, 非常香口又惹味!
【黃金梅子脆薯】HK$32
黃色番薯切成一條條再炸成金黃色, 炸皮唔厚, 但咬落去係林既...味道略帶甜味
【焦糖珍珠奶茶】HK$30
好正宗既台灣珍珠奶茶, 唔太飲得出焦糖味, 但有好重既奶味, 少甜, 跟台灣飲的幾乎一樣
【百香果QQ冰茶】HK$28
味道比較清新, 有少少甜
沒有留言:
張貼留言