📍Address: 太子荔枝角道100號金鳳樓地舖
Openrice: http://www.openrice.com/zh/hongkong/r-%E5%A5%BD%E5%AA%BD%E5%AA%BD%E5%8F%B0%E7%81%A3%E9%A4%A8-%E5%A4%AA%E5%AD%90-%E5%8F%B0%E7%81%A3%E8%8F%9C-r433483
營業時間：
星期一至五: 11:30-16:00, 18:00-22:30
星期六至星期日及公眾假期: 11:30-22:30
設加一服務費
太子有間台式餐廳, 價錢大眾化, 而且味道更不錯!
------------------------------------------------------------------------
【菜脯蛋披薩】HK$48
呢款係餐廳必食既菜式之一, 一粒粒既菜脯被厚厚既蛋包住.表面煎得好香, 咬落去, 好重既蛋香味, 而且蛋整得好滑, 一層層既蛋入面有勁多菜脯, 所以食落更有口感, 爽脆得黎又甜甜地,令我一試就愛上!!
【香酥大雞扒】HK$39
呢塊雞扒炸得好脆, 炸漿唔厚, 而且炸得好干身, 唔會油林林, 配上少少椒鹽吊味, 令味道更加出, 雞肉好嫩口, juicy… 值得一試!!
【士林香腸】HK$50
香腸切成薄片, 味道有點似臘腸同豬肉干, 但呢款比較軟身, 而且好甜~~ 隔離再配上少少薑片, 味道辣辣地, 夾住一齊食, 會更加開胃!
【好媽媽滷肉飯】HK$23
滷肉飯係用左好棉既珍珠米, 滷肉份量比較多, 撈埋一齊食, 真係啖啖飯都食到滷肉, 跟飯既再有半隻流心蛋, 正!
【鹽酥花枝丸】HK$18
一串有三粒, 外皮有點硬, 未能炸到表面鬆脆, 咬開入面係冇任何花枝粒, 但花枝丸略帶點彈牙~
【台灣牛肉麵】套餐 HK$68 跟台式飲品
牛肉湯底完全慘入哂配菜既紅蘿蔔同白蘿蔔入面, 令蘿蔔非常入味,而且好夠林!! 牛肉係用左牛展部份做主菜, 肥瘦分佈好平均, 所以食落既質感剛剛好~ 再加上台灣既麵條, 果然係一碗地道既台灣牛肉麵…
【胚芽珍珠奶荼】跟餐已包, 如單叫 HK$18
好多胚芽同珍珠, 感覺非常抵飲! 因為我比較中意香港式既奶荼 (奶同荼味均一), 所以呢杯都係我既至愛之一!
【星星布丁奶荼】HK$26
奶同荼味均一, 唔算台灣地道既奶荼, 但岩返香港人既口味, 雖然話係布丁奶荼, 但入面係冇任何固體既布丁, 而且布丁味比較淡
沒有留言:
張貼留言