📍Address: 大角咀埃華街98號地下
電話號碼: 2787 1638
營業時間：星期一至日:13:00-01:00
設加一服務費
中意食甜品, 又三心兩意想食唔同款既甜品, 而自己又係大胃王, 所以今晚就同朋友黎左呢間有甜品放題食既甜品店挑戰下!
兩小時任食甜品放題, menu上任何甜品都可以order...如果自問唔係大胃王, 亦可以選擇散叫甜品~
係奧運站行去大約6分鐘左右, 甜品店唔算好大, 但位與位之間都足夠一人出入...當晚8點左右, 幾乎坐爆場!
是日放題價錢: HK$128/人 (星期四, 19:30入座)
------------------------------------------------------------------------
【雙球雪糕豆腐花】HK$30
平時食豆腐花通常都係落黃糖/糖水, 但比我見到呢度竟然係用雪糕代替...豆腐花好滑,有d似百福豆腐花. 加上兩個自選味道既雪糕球, 有好重cookies同芒果味既一個豆腐花, 味道好特別.
【椰汁燉燕窩】HK$128
好滋陰矜貴既椰汁燉燕窩, 有熱食同凍食選擇, 用細細既椰子盛裝, 入面有好多既燕窩, 而且仲可以食埋入面既椰子肉, 椰汁香濃, 啖啖粒粒燕窩滿足埋口感, 必食!!!
【少女時代 (乳酸味)】HK$42
第一啖食落唔只有酸酸甜甜既乳酸味, 而且更有淡淡咖啡味...大大碟既棉棉冰有紅豆,咖啡?喱同埋小丸子伴碟, 滿足埋不同既口感~
【心太軟】HK$48
心太軟焗得外表鬆軟,略有點脆, 焗製掌握得非常好, 因此切開見到有朱古力流出...伴碟有兩個自選味道既雪糕球, 配合心太軟中既香濃朱古力, 甜度剛剛好! 正!!
沒有留言:
張貼留言