📍Address: 紅磡黃埔新村民兆街16號地舖
營業時間：
星期一至日: 12:00-23:00
設加一服務費
港鐵黃埔站下月通車, 預先介紹一下附近有咩正野食先! 黃埔站A出口行20步左右, 有間阿豬媽開既韓國餐廳, 除左炸雞,燒肉外, 更有多款韓國地道菜式選擇, 而且呢度份量都幾多, 約埋一大班朋友黎, 就可以食到更多唔同款式啦!
一坐低先有5-6款前菜小食提供, 不另加收費!
------------------------------------------------------------------------
【韓式豬手】HK$198 (Queen Size)
其實我地只係ORDER佢地既細size, 估唔到份量都咁大!! 豬手已預先被拆骨, 用生菜包住豬手, 再點隔離既韓式醬, 味道係甜甜地又辣辣地~
豬手好林, 一d都唔肥膩, 而豬手皮下層既膠質好重, 食既時候已經感覺好黏口...聽講韓國人皮膚咁靚都係因為食左呢d膠質補充到骨膠原, 好食又美顏, 呢個豬手真係必食!!(講真, 我食過香港咁多間韓國食店, 幾乎係第一次見有豬手食)
【石頭牛肉飯】HK$98
又一份量大既石頭飯, 自己一個都食唔哂, 雖然牛肉唔係好多, 但配菜等撈埋一齊食, 口感好豐富! 石頭飯好夠熱, 食到好多脆卜卜既飯焦!辣醬另上, 可自行調教辣度~
【吞拿紫菜卷(辣)】HK$73
紫菜卷可以揀辣同唔辣, 如果唔辣既係HK$68. 紫菜卷入面有黃瓜, 蛋, 蟹柳, 吞拿魚, 蘿蔔等, 夾埋一齊食既味道好夾, 酸酸甜甜, 又辣辣地, 幾開胃!
【純豆腐湯(跟白飯)】HK$88
唔好比佢既色呃到, 其實食落唔算好辣, 呢個湯入面有好多好滑既豆腐同埋幾隻蜆仔, 愈食愈開胃, 味道幾濃, 配上珍珠白飯送口, 令我一試愛上!
**午餐時段入座仲送罐裝柚子蜜, 同埋免加一tim!! 唔怪得平時經過都見到咁多人幫襯啦~
沒有留言:
張貼留言