📍Address: 九龍城太子道西398號御太子地下1-3號舖
營業時間：
星期一至日: 11:30-01:30
設加一服務費
九龍城有好多泰國餐廳, 而呢間泰國餐廳係位於舊機場對面, 比較容易搵到…今晚食完呢餐好味既泰國菜, 真係要推介比大家去一試!!
------------------------------------------------------------------------
【芒果椰汁沙冰】HK$36/杯
視覺上唔覺得佢係沙冰, 但都係傑既, 飲落有微微既椰汁香同甜甜地既芒果味, 唔算太甜~
【明爐香檸汁蒸桂花魚】HK$238
分店獨家菜式: 呢條魚特別在於係以秘制酸辣汁去蒸, 酸酸辣辣幾開胃, 而且當中有蒜蓉粒, 幾香口, 令條魚本身既鮮甜味更加突出, 成條魚以微微既既火熱住, 慢慢食都唔怕條魚會凍…
如果喜歡佢既秘制酸辣汁既話, 亦都可以去呢間食店購買, 返屋企研究新菜式唷!
【冬蔭海鮮蝦雲吞湯(6粒)】HK$128
冬蔭功湯底酸辣味平均, 出面好少加埋鮮蝦雲吞, 本身諗住係泰國餐廳食雲吞唔好抱太大期望, 點知粒雲吞又大大粒, 一煲有六粒, 而且每粒都有爽口既大蝦, 份量十足!!
【泰皇咖哩炒海鮮】HK$238
本身意為咖哩一定係辣, 但呢款咖哩係甜同埋比較傑, 而且好濃既椰香味…海鮮有魷魚, 青口, 同兩隻大大隻蝦, 食得出用料新鮮, 因為佢既咖哩汁份量幾多, 用黎送飯/點包食, 真係一流!!
最後更有甜品 -- 椰汁大菜糕
沒有留言:
張貼留言