Address: 九龍城啟德道31-33號地舖
營業時間：
星期一至日: 11:00-23:00
設加一服務費
-------------------------------------------------
琴晚又去九龍城食泰國菜, 打開menu, 發現左呢個好特別既飯, 當然要即刻order!!
【椰青焗海鮮飯】HK$98
woo! 一送上前已經聞到好香既椰汁味, 個飯疊得好高, 雖然焗完, 但個飯都唔會好乾, 而且每啖都有椰汁香味, 入面有魚塊,魷魚,蝦等等...另外更有椰絲同提子乾, 呢個飯係可以完完全全食到椰青既原汁原味, 仲有d飯係多到落椰青底ga!!份量足夠兩個人食有餘!最後仲可以刮埋入面既椰子肉食, 正!!
【蛋網海鮮金邊粉】HK$78
金邊粉以一層好薄既蛋包住上檯~一拆開個蛋包就見到好豐富既海鮮, 有爽口既蝦同魷魚...平時我唔太中意食金邊粉, 唔中意口感一pat pat, 但呢度既金邊粉我反而又幾中意, 入口唔會好糊口, 有點濕潤, 味道甜甜地又少少酸, 如果夾住蛋包食, 更食到蛋香味~
【炭燒豬頸肉】HK$78
呢款菜式幾乎8成既檯都會order, 所以我都唔執輸試下係咪真係咁受歡迎!
豬頸肉好夠林, 一d都唔肥膩, 而且有好重既炭燒香味, 配上隔離既泰國汁醬, 味道更加提升!
沒有留言:
張貼留言