Address: 尖沙咀金馬倫道2-4號地下A號舖
Tel.: 2622 2228
營業時間：
星期一至日: 11:00-21:00
設加一服務費
設訂座: Yes
=========================
之前一直好想試下"打印飲品", 今日去尖沙咀shopping, 經過見到新開呢間cafe, 門外擺左宣傳牌, Lunch set價錢大概都係HK$49起! 而且最吸引既係套餐另加HK$19就可以升級享用打印飲品!!
呢度有提供各式飯類、意粉類、扒類等套餐, 而今次我就揀左最貴既餐 - 安格斯肉眼扒套餐! 不過最令我期待既當然係杯打印飲品啦!!
店員簡單介紹"打印飲品"落order既程序:
首先係手機下載Apps <Selfie Cafe>/亦可選擇Whatsapp形式發送至餐廳, 選擇即時自拍或自己中意既照片,輸入簡單資料, 確認發送, 最後係Menu上選擇"自拍系列"既飲品類型, 向店員下單, 打印飲品的製作過程大約15分鐘就完成了! 飲品可選擇熱飲或凍飲, 建議選擇凍飲可令打印照片清晰度更高!
【安格斯肉眼扒】會員價HK$148
肉眼扒以洋蔥汁淋上面, 我今次Order係叫5成熟, 但都冇咩血水出, 熟既程度近乎8成半, 不過都算幾林, 略帶juicy, 牛味唔算太重~ 但配上洋蔥汁, 味道又幾夾...
而我一心黎試既"打印飲品"竟成為主菜, 成為焦點! 我既打印飲品送上前時, 我第一個反應係"嘩!!!好靚啊!!!", 張相既清晰度比想像中更加清晰! 令我忍唔住為呢杯野飲多影幾張相!! 真令人有種唔捨得飲既感覺!!
今次我揀左【櫻花皇后奶茶】, 飲用前需均勻攪拌, 面層味道近似雲呢拿Cream, 飲用時更為香滑, 仔細品嚐的確有微微既花味, 整體味道似飲緊奶蓋奶茶, 又真係幾好飲~
以尖沙咀地舖黎計, 呢間Cafe Lunch set價錢算係幾抵, 而且享用特別既打印飲品都係加HK$19, 價錢亦唔貴, 值得前來一試!!
沒有留言:
張貼留言