店內設有大部分卡位, 座位舒服寬敞, 而且完全沒有油煙焗促感。
每位客人都有三色醬汁同埋Wasabi, 其中既泰式生蝦醬令我最回味~
填好哂order交比侍應後, 野食就好快上檯。
雖然呢度主打燒肉, 但刺身、壽司、熟食都有供應
先黎一盤刺身、壽司, 呢度既刺身款式都幾多, 包括有三文魚、吞拿魚、劍魚腩、八爪魚、飽片、北寄貝、玉子燒同埋大甜蝦
驚喜既係不是主打款式, 質素都同樣新鮮,特別係隻大甜蝦, 肥美爽甜, 完全沒有腥味~ 三文魚為厚切, 正!
至於壽司款式亦都唔少, 當中既火灸三文魚, 魚油味大吹, 每件壽司都細細件, 食多幾件都唔怕太快飽
很快地, 燒烤食材都開始一一上檯, 侍應先細心地跟我地講解每樣食材應該放上爐既邊d位置先掌握到最適當既溫度同埋所燒既時間
特別係生蠔, 雖然我唔食, 但今餐之後令我更了解到燒蠔既知識。
生蠔既碗狀位置貼近爐邊, 放於爐既正中位, 只需燒約3分鐘就可以拎起食。燒蠔係燒既過程中有機會先行打開, 但如果冇開的過亦唔代表佢唔新鮮, 只係蠔既內在結構上有點不同,
如果蠔熟左之後依然冇打開, 可以請侍應幫忙開蠔, 我見到每隻蠔都好肥美, 朋友話一D都唔腥tim~~
至於大蝦同埋蜆就送於爐邊, 蜆唔會有沙, 而大蝦超級爽口!
大蝦可以放於爐既正中央, 但反既頻率就要快少少, 否則就好易乾同埋?了~
海鮮類除左大蝦、生蠔外, 仲有鯖魚、多春魚同埋龍?柳, 不過我地唔太識燒, 太易痴底~
中華東菇、有機白蘑菇 燒至半乾, 食落幾香
係燒烤期間我地不忘點左幾款熟食, 可以一面燒, 一面食, 把握時間勁食!
海蝦天婦羅、金沙雞軟骨
即叫即炸, 炸皮夠哂薄, 而且表面好乾身。雞軟骨很有咬口,表面加左d蒜粒,更加惹味!
香草牛油栗米粒 牛油味比香草味更濃
黎呢度必定要食烤肉! 肉類款式有豬、牛、雞~
呢度既牛款式都幾多, 有黑毛霜降和牛、汁燒安格斯一口牛、黑椒一口牛肋肉、青檸蒜味牛舌、薄切牛舌、蔥蒜醬油牛肋肉、厚切牛舌、熊本一口和牛、牛裡肌。
黑毛霜降和牛 牛味好出
熊本一口和牛每面稍為燒一陣, 表面熟, 內裡keep住有血水, 食落好juicy, 牛既油脂好豐富
雖然呢度飲品冇得任飲, 不過每位入座都會包兩罐罐裝汽水/有汽果汁。
入座起計兩小時任食, 截單時間為離座前40分鐘, 呢度order既野食冇漏單, 而且上菜都幾快, 所以兩個鐘都夠哂填滿個肚, 食到飽飽~
————————————————
餐廳名稱：燒魂一
Address: 尖沙咀漆咸道南57-59號金馬倫中心2樓
Tel.: 2366 6072
營業時間：
星期一至日: 18:00-01:30
設加一服務費
接受預先訂座: Yes
==================
Find me on
Facebook Page▸ www.facebook.com/keresawong/⋯⋯
Instagram▸ https://www.instagram.com/keresawong.l.s
Blog▸ https://keresawongls.blogspot.hk/
Blog▸ http://keresa.pixnet.net/blog
Openrice▸ Keresawong.L.S
==================
沒有留言:
張貼留言