荃灣【龍門一番 上海·紫砂燉湯 】滋補燉湯 清甜潤喉

平時返工好少可返屋企飲老火湯, 大半年前黎過荃灣既龍門一番, 飲過呢度既紫砂燉湯, 真係飲過返尋味。今晚放工同妹妹再去encorn~

本身已經預早book位, 但準時到達餐廳, 都依然未有位, 餐廳內已經坐滿食客, 門口亦都有唔少人拎籌等位。

正當等了15分鐘左右開始有點不耐煩之際, 餐廳職員拿了好幾杯暖暖的紅棗茶出來派比正在等位既食客, 這種貼心服務令我地心情又好了一點~

多等了5分鐘, 終於可以安排入座。侍應先送上幾款獨立茶葉包供每位食客選擇, 獨立包裝清潔衛生, 每位食客可以揀自己中意飲既茶, 就連揀茶這貼心的選擇, 坊間的確絕少餐廳可以做到。

Order後, 野食都黎得幾快。

【紅油抄手(6隻)】HK$38
抄手皮薄而且很滑, 入面既肉質鮮甜, 配上甜甜而又帶少少辣既醬油, 幾開胃。而且呢個價錢仲有半打之多, 抵啊!

【四川擔擔麵】HK$50
雖然湯底比較稀, 沒有濃郁而杰身既芝麻醬做湯底, 反而淡淡既芝麻醬同埋少少辣, 食落唔會膩, 唔會咁易飽。麵質幼而滑身, 夾集些少肉碎同湯底一齊食, 味道唔錯。

至於呢度主打既燉湯, 似乎一場黎到係要必飲!!燉湯有好幾款, 最近喉嚨有d乾, 於是就揀左呢款湯潤下喉。
【椰子竹笙燉雲吞雞湯】HK$168

雲吞跟湯分開上, 避免雲吞浸湯太耐而令雲吞皮爛。個湯以紫砂壺裝住, 初時覺得個湯份量比較少, 一打開, 個湯係滿滿的, 仲有半邊雞、椰子、雞腳、瘦肉同埋竹笙係入面, 非常足料。

個湯足夠4-6人份量, 雖然雞肉質未至於嫩滑, 但非常入味, 而且好林, 容易拆骨送湯。配上雲吞, 夠哂飽肚。個湯對比大半年前黎既水準都仲keep到, 非常潤喉, 而且清甜。

呢度沒有前菜收費, 晚市每位只有茶芥HK$8同埋加一服務費, 而且服務招呼周到, 呢D收費算合理啦。

————————————————
餐廳名稱：龍門一番 上海·紫砂燉湯  
Address: 荃灣青山公路荃灣段388號中國染廠大廈(8咪半)1樓105號舖
Tel.: 28061313
營業時間：
星期一至五
11:00-16:00
18:00-23:00
星期六至日
11:00-23:30
公眾假期
11:00-23:30
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================